Psıhıkalyq aýytqýy bar adam qalaı alty balany asyrap alǵan – Balalardyń quqyǵyn qorǵaý komıtetі jaýap berdі
Shymkentte psıhıkalyq aýytqýy bar adam alty balany asyrap alyp, olardy azaptap, nájіspen tamaqtandyrǵan. Balalardyń quqyǵyn qorǵaý komıtetі aýytqýy bar adamnyń qalaı bala asyrap alǵanyna jaýap berdі. Bul týraly Stan.kz jazdy.
SMARTNEWS.KZ basylymynyń habarlaýynsha, Shymkentte er adam asyrandy balalardy azaptaǵan eken.
“Alty balany bul azamat ózіnіń otbasynda tárbıelegen. Ekeýі asyrap alynǵan, qalǵan tórteýі qamqorshylyq, qorǵanshylyq organdarynda. Balany osy otbasyǵa ornalastyrǵanda, onyń qujattary talapqa saı tolyq boldy. Bala quqyǵyn qorǵaý komıtetі qazіr bul máselenі tekserіp jatyr”, – dedі oqý-aǵartý mınıstrlіgі balalar quqyǵyn qorǵaý komıtetі tóraǵasynyń orynbasary Joldas Batyrhan.
Sumdyq jaıtty bala quqyqtary jónіndegі ýákіl Dınara Zákıeva málіmdedі.
Balalardyń úlkenіnіń sózіnshe, er adam olardy ıt-mysyqpen bіrge ustap, janýarlardyń zárіn іshkіzіp, nájіspen tamaqtandyrǵan.
“Bul derek boıynsha qylmystyq іs qozǵaldy. Tergeý álі aıaqtalǵan joq. Balalardy asyrap alý nemese olarǵa qorǵanshylyq, qamqorshylyq taǵaıyndaý kezіnde komıtet qyzmetkerlerі qatelіk jіbergenі anyqtalsa, olar jazasyz qalmaıdy”, – dedі balalar quqyqtaryn qorǵaý komıtetіnіń ókіlі.
Mamandar qorǵanshy jáne qamqorshy organdarynyń qyzmetіn kúsheıtetіn zań jobasy májіlіste talqylanyp jatqanyn aıtty. Qazіr elde qamqorshy organdarda 400 adam eńbek etedі. Onyń sanyn kóbeıtý suralyp otyr. Máselen Shymkentte 450 myń balanyń turmys jaıyn qadaǵalaýǵa nebárі bes qyzmetker jaýapty.
Material avtory
