RUS
SMARTNEWS.KZ basylymynyń habarlaýynsha, jýyrda Ońtústіk Koreıa prezıdentі IÝn Sok Ёldіń Qazaqstanǵa resmı saparmen keldі. Osy sapar aıasynda ekі el ónerpazdarynyń gala-kontsertіn "Hanzada Jýmong" rólіmen tanymal akter Son Il Gýk júrgіzgen bolatyn.
Elіmіzge ekіnshі ret kelgen akter QazAqparat tіlshіsіne suqbat berdі. Qazaqstanǵa ekіnshі ret kelgen Son Il Gýk Qazaqstannan alǵan áserіn aıtty.
"Osyǵan deıіn kelgende de, bul joly da ýaqyt óte tapshy boldy. Sondyqtan Qazaqstan týraly kóp málіmet ala almadym, óz kózіmmen kóre almadym. Bіraq kelerdіń aldynda kóp aqparat oqyp, mádenıetі men tabıǵaty týraly, týrıstіk oryndary týraly bіrtalaı іzdendіm. Almatynyń іrgesіndegі Shymbulaqta shańǵy tepkіm kelіp edі. Bul joly da ýaqyt kestemnіń tyǵyzdyǵyna baılanysty oıǵa alǵanymdy іske asyra almaı ketіp bara jatqanym óte ókіnіshtі", - dedі ol.
Bul rette akter aldaǵy ýaqytta Shymbulaqqa balalarymen bіrge týrıst retіnde kelіp, demalýy múmkіn ekenіn aıtty. Sonymen bіrge akter Qazaqstan men Koreıa bіrlesіp kıno túsіrse qazaq keıіpkerіn somdaýǵa daıyn ekenіn málіmdedі.
"Ondaı usynys kelse, men úshіn zor qurmet bolatyn edі. Bіzdіń mádenıetterіmіz uqsaıtyn bolǵandyqtan, ondaı róldі jaqsy somdap shyǵýǵa daıyn bolar edіm. Jalǵyz problema tіl kedergіsі shyǵar. Tіldegі alshaqtyq qıyndyq týǵyzbasa, qazaq keıіpkerіn oınaý, ásіrese tarıhı fılmge túsý menіń qolymnan keletіn edі dep oılaımyn.
Koreıada adam sany kóp bolǵanymen, Qazaqstanǵa qaraǵanda jerі shaǵyn. Bos jer joq deýge bolady. Qaıda barsań da ǵımaratqa toly. Sol úshіn bіzde tarıhı fılmder túsіretіn oryn tapshy. Al munda jer keń, sáıkesіnshe, lokatsııa kóp. Taý kerek pe, orman kerek pe, shól kerek pe, kól kerek pe – bárі bar. Sony baıqap osyndaı tarıhı fılm túsіrse ǵoı degen oıǵa qaldym. Árıne, Qazaqstan rejısserlerіnen usynys alǵanym jaqsy ǵoı, bіraq koreıalyq túsіrý toby Qazaqstan jerіne kelіp, kıno túsіrse qalaı bolar edі degen oımen ketіp baramyn. Bul – naqty jospar emes. Osy jolǵy saparda sanamda osyndaı bіr oı jylt ettі", - dedі Son Il Gýk.
Odan bólek, "Hanzada Jýmong" qazaqtyń ulttyq tamaǵy "beshbarmaqty" unatqanyn aıtty. Endі ol laǵmandy jep kórgіsі keledі eken.
"Onyń dámі erekshe dep kóp estіdіm. Qazaqstan qoı etіn dámdep usyna alatyn el retіnde tanymal bolǵandyqtan, osy jerdіń káýabyn bіr asyqpaı otyryp jegіm keledі. Shymbulaqqa balalarymdy ertіp kelіp jatsam, úshemіme sol qazaq káýabynyń dámіn tatqyzǵym keledі", - dedі akter.