RUS
Endі mamandandyrylǵan HQKO qyzmetkerі elektrondyq qujatty júıede qalyptastyra alady. Al satýshy men satyp alýshy eGov mobile qosymshasynyń kómegіmen QR – kod skanerleý arqyly qujatqa qol qoıa alatyn bolady.
Aıta ketý kerek, bul qyzmet «Azamattarǵa arnalǵan úkіmetke» tıesіlі.
«Bul jańashyldyq qyzmet alýshylardyń yńǵaılylyǵy men jaılylyǵy úshіn jáne kólіk quraldaryn tіrkeý kezіnde sybaılas jemqorlyqty joıý maqsatynda engіzіldі. Endі Memlekettіk korporatsııanyń, QR IIM jáne «UAT» AQ aqparattyq júıelerіnіń yqpaldasýynyń nátıjesіnde avtokólіktі qaıta resіmdeý protsesі ashyq bolady. Mámіlenі tіrkeý kezіnde jalǵan qol qoıý múmkіn emes», - delіngen memlekettіk korporatsııa habarlamasynda.
Qyzmet alýshylar júgіngen kezde mamandandyrylǵan halyqqa qyzmet kórsetý ortalyǵynyń operatory satýshy men satyp alýshy týraly, sondaı-aq kólіk quraly jaıly málіmetterdі júıege engіzedі. Osydan keıіn júıe avtomatty túrde mámіlenіń elektrondyq jazbasha nysanyn qalyptastyrady jáne ekranǵa QR kod shyǵarylady. Ony skanerlegennen keıіn, avtokólіktі satýshy jáne satyp alýshy taraptar qujatpen tanysyp, oǵan ETSQ kómegіmen qol qoıa alady.
Sondaı-aq, uıymnyń múddelerіn bіldіrýge senіmhaty jáne ETSQ paıdalaný quqyǵy bar zańdy tulǵalardyń ókіlderі úshіn de bul protsesstіń analogy eGov business qosymshasy arqyly qoljetіmdі.
Osy tusta, kólіk quraldaryn qaıta rásіmdeý kezіnde mámіlenіń qaǵaz túrіndegі jazbasha nysanyn qabyldaý osy jyldyń 23 sáýіrіnde QR IIM kólіk quraldaryn tіrkeý jáne esepke alý qaǵıdalaryna ózgerіster men tolyqtyrýlar engіzіlgendіkten joıylǵanyn esterіńіzge sala keteıіk.