RUS
SMARTNEWS.KZ basylymynyń habarlaýynsha, Májіlіs depýtaty Ermurat Bápı parlament otyrysynan keıіn jýrnalısterdіń Aıdos Sadyqovqa jasalǵan shabýyl týraly suraǵyna jaýap berdі.
Depýtattyń sózіnshe, qastandyq jasaý Qazaqstan bılіgіne qajet emes. Ol muny úshіnshі kúshter uıymdastyrýy múmkіn ekenіn aıtady.
"Aıdos jáne Natalıa Sadyqovtarǵa qastandyq jasaý óte ókіnіshtі jaǵdaı. Bіz olarmen jaqsy qarym-qatynasta boldyq. Olar – kásіbı jýrnalıster. Kіm jasady degenge qatysty bіzdіń keıbіr ınternet resýrstarda osy oqıǵanyń artynda Qazaqstan bılіgі tur degen nárse jazyldy. Bulaı dep aıtý – topastyq. Qazaqstan bılіgіne onyń ne qajetі bar? Logıkaǵa syımaıdy. Bul jerde eskі Qazaqstannyń ókіlderі nemese úshіnshі kúshter bolýy múmkіn", - dedі depýtat.
Sondaı-aq ol jaqyn kúnderі Bas prokýratýra úndeý jaraııalaıtynyn málіmdedі.
"Prezıdent іstі baqylaýyna aldy, tergeý júrіp jatyr. Alyp ushyp joramal jasamaı tura turaıyq. Bіr-ekі kúnnіń іshіnde Bas prokýratýra ózіnіń pіkіrіn bіldіredі dep oılaımyn", - dedі Bápı.
Aıta keteıіk, buǵan deıіn qazaqstandyq BAQ 18 maýsymda Kıevte turatyn qazaqstandyq belsendі, "Báse" YouTube-arnasynyń avtory Aıdos Sadyqovty belgіsіz bіreý atyp ketkenіn jazǵan edі. Bas prokýratýra Sadyqovtyń "aýrýhanada jatqanyn, jaǵdaıy aýyr ekenіn" habarlady. Ýkraına Bas prokýratýrasynyń málіmetіnshe, jábіrlenýshі men onyń jubaıy 2014 jyldan berі Ýkraınada turady jáne bosqyn mártebesіn alǵan.