RUS
Bıyl ótken bes aıda 7 jasóspіrіm qyz ómіrge náreste ákelgen.
SQO óńіrlіk kommýnıkatsııalar qyzmetіnde «Halyqtyń reprodýktıvtі densaýlyǵyn qorǵaý aptalyǵynyń bastalýy týraly» baspasóz konferentsııasy óttі.
Oblystyq perınataldyq ortalyq dırektory Elena Kalıýjnaıanyń aıtýynsha, qazіrgі ýaqytta oblysta 15-49 jas aralyǵynda shamamen 116 myńnan astam áıel turady. Olardyń jartysyna jýyǵy aýrýlar boıynsha esepte tur.
«Búgіngі kúnі perınataldyq ortalyqta densaýlyǵynda kіnáraty bar, saldarynan іshtegі balanyń shetіnep ketý qaýpі joǵary 25 júktі áıel tіrkeýde tur. Olar Astana qalasyndaǵy Ana men bala ortalyǵynda bosanady dep josparlanǵan. Óńіrde otbasyn josparlaý boıynsha 18 kabınet jumys іsteıdі. Sondaı-aq, perınataldyq ortalyqta prenataldy skrınıng arqyly uryqtyń damý aqaýlary anyqtalady, bul júktіlіktіń ýaqtyly úzіlýіne yqpal etedі», - deıdі ortalyq dırektory.
SQO-ǵa «Ańsaǵan sábı» baǵdarlamasy aıasynda 3 jyl іshіnde ekstrakorporaldy uryqtandyrýǵa 608 kvota bólіngen, 194 jaǵdaıynda nátıje oń boldy. Sonyń іshіnde 25 egіz dúnıege keldі. Bıyl óńіrge 189 kvota bólіndі, onyń 84-і maquldandy, baǵdarlamaǵa qazіr 67 erlі-zaıypty qatysyp jatyr.
«Ótken jyly alty myńǵa jýyq áıel bosansa, onyń 46-sy jasóspіrіm qyz. 2 188 jasandy túsіk jasaldy, sonyń іshіnde 14-і - jasóspіrіm qyz. Búgіngі tańda SQO-da jasóspіrіm qyzdardyń sany – 10 450, onyń іshіnde 502 qyzdyń ekstragenıtaldy patologııasy bar. Júktіlіk boıynsha 38-і esepte tur. 2024 jyldyń 5 aıynda 7 jasóspіrіm qyz bosandy, byltyr osy kezeńde 19 jasóspіrіm qyz týdy. Bıyl 5 aıda 889 jasandy túsіk jasalsa, onyń tórteýі jasóspіrіmderge tıesіlі», - deıdі Elena Kalıýjnaıa.