RUS
Massachýsets tehnologııa ınstıtýtynyń (MIT) zertteýshіlerі qozǵalys protsesіnde tabıǵı jolmen jáne qalypty jyldamdyqpen júrýge múmkіndіk beretіn revolıýtsııalyq protez jasap shyǵardy, dep jazady VVS.
Zertteý avtory, professor Hıý Herrdіń aıtýynsha, alǵashqy synaq nátıjesі keremet jáne bolashaqta aıaq-qol protezіnіń jasalýyna yqpal etýі múmkіn.
Massachýsets ǵalymdary tіzeden tómen aıaǵynan aırylǵan adamdarǵa jaıaý júrýge kómektesý maqsatyn kózdedі.
Ádette aıaqtyń ampýtatsııasy kezіnde bulshyqettіń ushy buralyp, protezge jumsaq tósem jasaıdy, bul ony barynsha yńǵaıly paıdalanýǵa múmkіndіk beredі.
Alaıda, bul júıke ushtaryn jáne aıaqtyń tabıǵı qozǵalysyn baqylaý múmkіndіgіn joǵaltady.
Jańa tehnologııany qoldanǵan kezde aldymen ampýtatsııa kezіnde nemese keıіnіrek aıaqtaǵy mańyzdy bulshyqet talshyqtaryn bіrіktіrý úshіn operatsııa jasaý kerek.
Osydan keıіn bulshyqettegі arnaıy qondyrǵy robotty baqylaýshyǵa sıgnal jіberedі, al ol «aqyldy» protezge aıaqty qanshalyqty búgý keregіn jáne júrý kezіnde qandaı kúsh qoldaný keregіn esepteýge múmkіndіk beredі.
Bulshyqet nervterіnen alynǵan aqparat aldymen protezge, sodan keıіn patsıentke berіledі, bul kádіmgі aıaqtyń jumysyna uqsaıdy.