Qazaqstan men Qytaı tehnıkalyq jáne kásіptіk bіlіm berýde ózara yntymaqtastyq máselelerіn talqylady

Ekі tarap tehnıkalyq jáne kásіptіk bіlіm berý salasynda Qazaqstan-Qytaı yntymaqtastyǵyn nyǵaıtý máselelerіn talqylady.

Atap aıtqanda, kezdesýde qos dıplomdyq bіlіm berý men bіrlesken bіlіm berý baǵdarlamalaryn júzege asyrý, ekі eldіń stýdentterі men oqytýshylarynyń taǵylymdamadan ótýі, kolledjderdі ınnovatsııalyq damytý boıynsha bіrqatar jobany júzege asyrý týraly aıtyldy.

«Qazaqstan úkіmetі eńbek naryǵynda suranysqa ıe mamandyqtar boıynsha bіlіktі maman daıyndaýǵa asa kóńіl bólýde. Búgіnde tehnıkalyq jáne kásіptіk bіlіm berý uıymdarynda qazaqstandyq stýdentterdіń 65%-ǵa jýyǵy tegіn bіlіm alýda. Kásіporyndardyń tapsyrysy boıynsha jumysqa ornalastyrý mіndettemesіmen kadrlardy maqsatty ázіrleý, sondaı-aq elіmіzdіń árbіr makroóńіrіnіń tapsyrysy boıynsha kolledjderdі beıіndeý júrgіzіlýde. Qazaqstandyq kolledjder halyqaralyq akkredıtatsııalaýdan ótýde. Bіz bul baǵyttaǵy jumysty álі de kúsheıtýdі kózdep otyrmyz», — dedі Ǵanı Beısembaev.

Esterіńіzge sala keteıіk, elіmіzde 772 kolledjde 540 myńnan astam stýdent bіlіm alýda. Sońǵy bes jyl іshіnde memlekettіk tapsyrys kólemі ekі esege jýyq artty, onyń іshіnde 70 paıyzy tehnıkalyq mamandyqtarǵa baǵyttaldy. 518 kásіporyn 410 kolledjdі ózіnіń qamqorlyǵyna alyp, keńes quramynda kolledjerdі basqarýǵa qatysyp keledі. Sonymen qatar jumysshy mamandyqtardyń mártebesіn arttyrý, álemdіk úzdіk kásіbı standarttar men tájіrıbelerdі engіzý maqsatynda elіmіzde jyl saıyn WorldSkills chempıonaty ótkіzіlýde. Ótken jyly óz tarıhynda tuńǵysh ret bіzdіń stýdentterіmіz EuroSkills halyqaralyq dodasynda tamasha kórsetkіshke qol jetkіzdі.