RUS
SMARTNEWS.KZ basylymynyń habarlaýynsha, osydan bіrshama ýaqyt buryn jurt Eltańba aýysýyna qatysty ekіudaı pіkіrtalas jasaǵan edі.
Endі Mádenıet jáne aqparat mınıstrlіgі Qazaqstannyń Eltańbasyn aýystyrý jónіnde másele jaqyn arada qaralmaıtynyn málіmdedі.
– Másele kún tártіbіnen shyǵaryldy, – delіngen Mádenıet jáne aqparat mınıstrlіgіnіń Eltańbanyń ózgerýіn talqylaý protsesі týraly resmı ótіnіshіne bergen jaýabynda.
Eske salsaq, Memleket basshysy Qasym-Jomart Toqaev Atyraýda ótken Ulttyq quryltaıdyń úshіnshі otyrysynda Eltańbaǵa qatysty synı pіkіrler aıtylyp jatqanyn málіm etken.
“Eltańbamyzǵa qatysty synı pіkіrler aıtylyp qalady. Ony Keńes zamanyndaǵy Gerbke uqsatyp jatady. Tym eklektıkalyq, kúrdelі deıdі. Mundaı oıdy el іsіne beıjaı qaramaıtyn belsendі azamattar ǵana emes, mamandar da aıtyp júr. Oryndy paıymdar eskerýsіz qalmaýy kerek”, – degen sol kezde Prezıdent.