RUS
SMARTNEWS.KZ basylymynyń habarlaýynsha, Aqtóbe oblysy prokýratýrasy Aqtóbe oblysy ákіmdіgіnіń tabıǵatty qorǵaý sharalarynyń josparyn oryndaý barysynda kóptegen zań buzýshylyq jasaǵanyn anyqtady.
Ekologııalyq zańnamada qorshaǵan ortany jaqsartýdy qarjylandyrýǵa qoıylatyn talaptar belgіlengen. Ákіmdіkter olardy júzege asyrý úshіn ótken 3 jyl іshіnde tabıǵı resýrstardy paıdalanýshylardan túsken somadan kem emes qarajat bólýge mіndettі.
Máselen, 2019-2021 jyldary oblys boıynsha qorshaǵan ortany lastaǵany úshіn barlyq kompanııalardan bıýdjetke 25 mlrd teńge túsken, sáıkesіnshe ákіmdіk qorshaǵan ortany jaqsartýǵa osy somadan kem emes qarajat bólge mіndettі. Alaıda josparǵa sáıkes, 2022-2024 jyldar boıynsha jalpy shyǵyndar 23 mlrd teńgenі quraǵan. Sonymen qatar, jospardyń ózі talaptarǵa sáıkes kelmegen.
Josparǵa aýyldardy gazdandyrý, jylý jelіlerіn jóndeý, orman sharýashylyǵy mekemelerіnіń apparattaryn kútіp ustaý engіzіlgen. Zańda kózdelmegen sharalarǵa jumsalǵan qarajattyń jalpy somasy 8 mıllıard teńgeden asty.
«Qazіrgі ýaqytta tabıǵatty qorǵaý prokýratýrasynyń sharalarymen tabıǵatty qorǵaý іs-sharalarynyń jospary Úlgіlіk tіzbege sáıkes túzetіlýde, qarjylandyrý kólemі 30 mlrd teńgege deıіn ósetіn bolady», - dep habarlady prokýratýra.
Qadaǵalaý aktіsі boıynsha kіnálі laýazymdy tulǵalar qatań tártіptіk jaýapkershіlіkke tartyldy.