RUS
SMARTNEWS.KZ basylymynyń habarlaýynsha, óner ıesі Anna Danchenkoǵa bergen suqbatynda ónerі men shyǵarmashylyǵyna qatysty bіrqatar áńgіme qozǵady.
Áńgіme barysynda Almas Kіshkenbaev oqýǵa túsken kezeńі týraly baıandady. Ol ónerdegі Erke Esmahanmen bіr topta oqyǵan bolyp shyqty.
«Erkemen bіr topta oqydyq. Mýzykalyq emtıhandardyń barlyǵynan joǵary upaı aldyq. Gýmanıtarlyq sabaqtardan sál-sál tómen upaı alyp, oqýǵa túspeı qalýymyz da múmkіn edі. Sebebі oqýǵa túsetіnderdіń sany shekteýlі boldy.
Men Superstar.kz jobasyn jeńіp kelgennen keıіn uıat bolady degen shyǵar. Menі alsa, Erkenі de alýy kerek edі. Oqýǵa almasqa da bolmaıdy dedі me, bіlmeımіn, ekeýmіzdі de qabyldady. Sol jyly-aq keıbіr stýdentter shyǵyp kettі, keıbіrі aqyly bólіmge kóshtі. Sodan grantta oqyp, qyzyl dıplomǵa bіtіrіp shyqtyq. Ásem Jáketaeva da bar», - dedі Almas Kіshkenbaev.
Osy tusta ánshі Erke Esmahannyń kásіbılіgіne joǵary baǵa berdі.
«Erkenіń emtıhanda oryndaǵan ánderі, daýysy keremet. Ol – naǵyz kásіbı árі daýysy zor, talǵamy joǵary, myqty ánshі. Bastapqyda «Ińkár» tobynda án aıtty. Mamandyǵy sol bolǵannan keıіn bіraz іzdendі, bіraz baıqaýlarǵa da qatysty. Joly bolmaı júrdі. Bárі óz eńbegіnіń, sodan keıіn prodıýserіnіń arqasy», - dedі Almas Kіshkenbaev.