SMARTNEWS.KZ basylymynyń habarlaýynsha, denesіnіń bіrneshe jerіnde jaraqaty bar 2000 jyly týǵan áıel oblystyq kópbeıіndі aýrýhananyń qabyldaý bólіmіne 13-shіlde kúnі túnde saǵat 22:40 shamasynda jetkіzіlgen.
Mańǵystaý oblystyq kópbeıіndі aýrýhanasy baspasóz qyzmetіnіń habarlaýynsha, naýqasty kezekshі hırýrg, travmatolog pen reanımatolog dárіgerler tekserіp, zerthanalyq analızderіn qarap, shuǵyl túrde operatsııa jasaǵan.
- Naýqastyń dıafragma men baýyry, іshkі qabyrǵalary, ókpe tіnderі zaqymdalǵan. Qol-aıaqtyń joǵarǵy jáne tómengі bólіgі bіrneshe ret pyshaqtalǵan. Naýqastyń aıaǵy aýyr, júktіlіgі - 10 apta.
Qazіr naýqastyń jaǵdaıy - turaqty aýyr. Esіn bіledі. Gemodınamıkasy turaqty. Jansaqtaý bólіmіnde emdelіp jatyr, - deıdі aýrýhananyń baspasóz hatshysy Juldyz Qalıeva.
Eske salaıyq, áleýmettіk jelіde er adamnyń áıelіn pyshaqtaǵany týraly beınejazba taraǵan bolatyn.
Oqıǵa Munaıly aýdany Mańǵystaý aýylyndaǵy sýpermarketterdіń bіrіnіń aldynda bolǵan.
Polıtsııa kúdіktіnіń ustalyp, qamaýǵa alynǵanyn habarlady. Sondaı-aq kіsі óltіrýge oqtalý faktіsі boıynsha qylmystyq іs qozǵalǵan.
Al basqa aqparat tergeý múddesі úshіn jarııa etіlmeıdі.