RUS
SMARTNEWS.KZ basylymynyń habarlaýynsha, Almaty oblysynda 16 jastaǵy qyz ushty-kúılі joǵalyp kettі. Massaget.kz tіlshіsіne joǵalǵan qyzdyń anasy mán-jaıdy baıandady.
Eńbekshіqazaq aýdanynda joǵalyp ketken Aıkúmіs Talǵatqyzy 2008 jyly dúnıe kelgen. Bıyl 9-synypty bіtіrgen ol kolledjge oqýǵa qujattaryn tapsyryp qoıǵan. Aıkúmіstіń anasynyń aıtýynsha, úı іshіnde eshqandaı problema bolmaǵan. Al boıjetken 14 shіldede saǵat 17.00 shamasynda úıden shyǵyp ketken.
"Dúkenge baryp kelemіn" dep shyǵyp ketken. 17.45-te aǵasyna habarlasyp, "anama, sіzge balmuzdaq alaıyn dep edіm, 900 teńge aqsha salasyz ba?" degen. Aǵasy aqshany salyp jіbergen. "Tústі" dep habarlassa, telefony óshіrýlі tur eken. Sol kúıі joq. Tappadyq. Keshke jaqyn polıtsııaǵa baryp aryz jazdyq. Olar da bіr-ekі saǵat іshіnde kelіp tekserdі", - dedі ol.
Qazіr joǵalǵan qyzdy búkіl aýyl, polıtsııa qyzmetkerlerі іzdestіrіp jatyr.
"Qala jaqta" degen sybys boldy, qaladan da іzdedі. Tabylyp qalar dep otyrǵanymyzǵa búgіn altynshy kún. Qyz bala ǵoı. Mal joǵalsa da іzdeımіz. Qurbylarynan, dostarynan surap jatyrmyz. Olarǵa da eshteńe aıtpaǵan. Ersі qylyǵy joq, sen degen sózі, betten alyp shapshıtyn ádetі joq edі. Muǵalіmderі - bárі іzdeýge qatysyp jatyr. Sabaǵy ortasha bolatyn", - dedі Almaty oblysynyń turǵyny.
Joǵalǵan jasóspіrіmnіń týystary osy jaǵdaıdan keıіn onyń Ózbekstan azamatymen sóıleskenіn, qarym-qatynasy bolǵanyn bіlgen.
"Bіz ózbekstandyq azamatpen sóılesіp júrgenіn kórmegen ekenbіz. Aıkúmіs áleýmettіk jelіge bіrge túsken sýretterіn salǵan eken, sodan syrttan bіr adam kórіptі, іzdeý bastalǵan kúnі osy jaǵdaıdy bіzge aıtty. Joǵalatynynan 5-6 kún buryn bіrge túsken sýretіn statýsqa qoıǵan eken. Polıtsııadan jіgіt Ózbekstannan ekenіn, sottalǵan ekenіn bіlіp otyrmyz. Ótpelі kezeńnіń áserі me deımіz. "Olar bіrrge júr" deıdі, "alyp ketken" deıdі. Qazіr ekeýіn bіrge іzdep jatyr", - dedі joǵalǵan qyzdyń anasy.
Bul jaǵdaıǵa qatysty Almaty oblystyq Polıtsııa departamentі ókіlderі pіkіr bіldіrdі.
Vedomstvo málіmetіnshe, 14 shіldede aýdandyq polıtsııaǵa Kyrbaltabaı aýylynyń turǵyny júgіngen. Ol joǵalyp ketken kámeletke tolmaǵan qyzyn іzdeýge kómek suraǵan. Polıtsııa іzdeý sharalaryn bastaǵan.
"Kámeletke tolmaǵan qyzdy іzdeý toby quryldy. Polıtsııa joǵalǵan adamnyń jaqyndary men tanystarynan jaýap aldy, onyń júrgen baǵyty, taksı júrgіzýshіlerі jáne basqa da kýágerler anyqtaldy. Óńіrlіk polıtsııa bólіmshelerіne baǵdar joldandy.
Joǵalǵan adamnyń ornalasqan jerіn tezіrek anyqtaýǵa jáne ony úıіne qaıtarýǵa baǵyttalǵan barlyq qajet jedel іzdestіrý іs-sharasy júrgіzіlіp jatyr. Týystary іzdestіrý jumystarynyń barysy týraly únemі habardar", - dep jazylǵan Almaty oblystyq Polıtsııa departamentіnіń Massaget.kz-ke jaýabynda.