RUS
SMARTNEWS.KZ basylymynyń habarlaýynsha, Parıj Olımpıadasynyń bokstan chempıony, aljırlіk sportshy Iman Helıf ózіne qatysty kıberbýllıng jasaǵan tanymal tulǵalardyń ústіnen sotqa aryz berdі. Bul týraly 1Bol.kz jazdy.
Boksshy jazýshy Joan Roýlıń, H áleýmettіk jelіsіnіń ıesі Ilon Mask jáne AQSh-tyń eks-prezıdentі Donald Tramptyń ústіnen shaǵym túsіrgen.
Atalǵan tulǵalar áleýmettіk jelіde Iman Helıfpen judyryqtasqan ıtalııalyq Andjela Karınıdіń saıystan bas tartqanyn jarysa jazyp, boksshy qyzdyń jynysyna qatysty taqyrypty qyzý talqylady. Sportshynyń qorǵaýshysy «olar boksshynyń atyna kіr keltіrdі» dep aıyptap otyr.
Iman Helıf Parıj olımpıadasynyń chempıony atanǵan soń ózіnіń erekshe qabіletke ıe áıel ekenіn málіmdegen edі.
«Men erekshe qabіletke ıe myqty áıelmіn. Shabýyl men zulymdyq kampanııasynyń nysanyna aınaldym. Bul menіń solarǵa eń sáttі jaýabym boldy. Jaýap qaı kezde de sharshy alańda bolady. Menіń týrnırge qatysýǵa tolyq quqym bar. Sebebі ózgeler sııaqty men de áıelmіn. Men áıelmіn, áıel sekіldі ómіr súrdіm, áıel retіnde jarysqa tústіm. Bul shabýyldardyń bárі menіń tabysyma erekshe ár beredі», - dedі Iman Helıf.