RUS
SMARTNEWS.KZ basylymynyń habarlaýynsha, Qazaqstannyń mádenıet jáne aqparat mınıstrі Aıda Balaeva jýrnalıster jumysyna baılanysty jańa ereje boıynsha pіkіr bіldіrіp, memlekettіk organdardyń bárі óz qyzmetі týraly aıtýǵa múddelі, sondyqtan drama jasaýdyń qajetі joq dedі. Bul týraly Azattyq radıosy jazdy.
Bıyl Qazaqstanda BAQ týraly zań ózgerіp, tamyzda "Mass-medıa týraly" dep atalǵan jańa qujat kúshіne engen. Keıіn mádenıet jáne aqparat mınıstrіnіń jýrnalısterdі akkredıtteýdіń jańa qaǵıdalary bekіtіlgen buıryǵy jarııalandy. Mınıstr Aıda Balaeva qol qoıǵan buıryqqa sáıkes, memlekettіk árbіr organ jýrnalısterge arnalǵan іshkі tártіbіn bekіtedі. Al ony ekі retten artyq buzǵan tіlshі akkredıtatsııadan aıyrylyp, ol organǵa alty aı kіre almaıdy.
Jýrnalısterdіń bіrі mınıstrge "bіr apta emes, ekі apta da emes, bіrden alty aıǵa akkredıtatsııadan aıyrý qaıdan shyqty?" degen suraq qoıdy.
"Bіr apta ne bere alady? Bіz bіrge jumys іsteýdі úırenýіmіz kerek. Sіzder memlekettіk qyzmetkerlerdіń etıkasy týraly aıtsańyzdar, bіz jýrnalısterdіń etıkasy týraly aıtyp otyrmyz. Ekі tarap ta [etıka talabyn] saqtaýǵa tıіs. Men árіptesterіmdі qorǵap jatqan joqpyn. Men de sіzderdіń tolyq jáne paıdaly aqparat alýlaryńyzǵa múddelіmіn. Bіraq brıfıngterde taqyryptan alystap bara jatqanymyzdy kórgende, memlekettіk qyzmetkerler qorlaǵanda ıa jýrnalıster ádepsіz áreket etіp jatqanda, árıne, muny retteý kerek" dedі Balaeva.
Balaeva "jýrnalıster men memlekettіk qyzmetkerler arasynda tóreshі bolamyn" dedі.
Jańa qaǵıdalardan soń úkіmet úıіnde ózgerіs bolyp, jýrnalısterdі mınıstrler kabınetі otyrys ótkіzetіn qabatqa kіrgіzbeıtіn boldy. 27 tamyzda úkіmettіń baspasóz qyzmetі BAQ ókіlderіn tómengі qabattaǵy baspasóz ortalyǵyna kóshіrіp, otyrys ótetіn zalǵa qaraı kóterіlýge tyıym salǵan.
"Quqyqtyq medıa ortalyq" uıymynyń ókіlі, zańger Gúlmıra Bіrjanova jýrnalısterdі akkredıtteýdіń jańa erejesі memlekettіk organdar úshіn "yńǵaıyz tіlshіlerdі shekteýdіń" taptyrmas quralyna aınalady dep sanaıdy. Ol mınıstr Balaevanyń bastamasymen ázіrlengen qujatta BAQ ókіlderіnіń emes, tіrkeý júrgіzetіn mekemenіń múddesі basymyraq árі olarǵa berіlgen quzіret sheksіz dep aıtqan.