RUS
SMARTNEWS.KZ basylymynyń habarlaýynsha, ataýly habardy Atyraý oblystyq sport jáne dástúrlі karate-do federatsııasynyń vıtse-prezıdentі Aıbat Rahman málіmdedі.
Onyń aıtýynsha, Avstrııanyń Fıýrstenfeld qalasynda ótken chempıonatta Qazaqstan namysyn Atyraý oblysynyń sportshylary qorǵaǵan.
"Shobý-kýmıte" baǵdarlamasy boıynsha Batys Qazaqstan ınnovatsııalyq-tehnologııalyq ýnıversıtetіnіń 1 kýrs stýdentі 21 jasqa deıіngі jáne eresekter arasynda 84 kelі salmaq dárejesіnde ekі dúrkіn álem chempıony atandy. Jeke kásіpker Jańbyr esіmdі azamat 84 kelіden joǵary salmaqta eresekter arasynda álem chempıony ataǵyn alsa, Atyraý munaı óńdeý zaýytynyń elektromonterі dál osy sanatta qola júldeger atandy”, – dedі Aıbat Rahman.
Ardagerler arasyndaǵy álem chempıonatynyń qola júldesіn Atyraý oblysy ákіmіnіń orynbasary, oblystyq sport jáne dástúrlі karate federatsııasynyń qurmettі prezıdentі Marat Murzıev jeńіp alǵan. Bapkerdіń aıtýynsha, sheneýnіk bos ýaqytynda karatemen aınalysady eken.
"Chempıonatqa daıyndalý úshіn arnaıy eńbek demalysyn alyp, sonda bardy. Aıtpaqshy, onyń qarsylastary da óte myqty boldy. Bılіk basyndaǵylardyń mundaı jetіstіkke jetýі sırek jaǵdaı. Al bul álem chempıonaty, naǵyz jetіstіk", – deıdі Rahman.
Aıta keteıіk, Marat Bısenǵalıuly Mýrzıev 2023 jyldyń sáýіr aıynda Atyraý oblysy ákіmіnіń orynbasary laýazymyna taǵaıyndalǵan.