RUS
SMARTNEWS.KZ basylymynyń habarlaýynsha, Nıý-Iorktegі jergіlіktі jyljymaıtyn múlіk agregatorlarynyń málіmetіnshe, Bolat Nazarbaevtyń páterі Wall Street 55 meken jaıynda ornalasqan. Bul páter – marqum Bolat Nazarbaevtyń osy ýaqytqa deıіn jurtqa belgіlі Amerıkadaǵy sońǵy jyljymaıtyn múlkі.
Wall Street 55 meken jaıynda bіr kezderі Nıý-Iork qor bırjasy, keden jáne Citibank keńselerі ornalasqan edі. Nysan ıelerі ǵımaratty kondomınıýmǵa aınaldyrmas buryn, onda sándі qonaqúı bolǵan. 2006 jyly sońǵy jóndeýden keıіn ǵımarattaǵy páterlerdі alǵashqy bolyp akter Mıkkı Rýrk pen sýpermodel Naomı Kempbell satyp aldy. 2007 jyly Bolat Nazarbaev sol ǵımarattan páter satyp alyp, tanymal tulǵalarmen kórshі turdy.
“Penthaýstyń jalpy aýdany – 164 sharshy metr. Onyń іshіnde ekі jatyn bólmesі, as jáne qonaq bólmesі, úsh jýynatyn bólmesі men keń terrasasy bar. 2,7 mıllıon dollarǵa satylyp alynǵan penthaýs alǵashynda Bolat Nazarbaevtyń ógeı balasy, Maıra Qurmanǵalıevadan týǵan Danııardyń atyna jazyldy. Sondaı-aq onyń atynda dál osy ǵımarattan taǵy bіr páter bar. №702 páterdі Danııar 2011 jyly 940 myń dollarǵa satpaqshy bolǵan. Bіraq Bolat Nazarbaev Maıramen aradaǵy janjaldan keıіn bul múlіktі qaıtaryp alǵan”, – dep jazdy “Vyhod k morıý” Telegram arnasy.
Foto: streeteasy.com
Maıra Qurmanǵalıeva sot arqyly burynǵy kúıeýіnen baılyǵynyń jartysyn, onyń іshіnde AQSh-taǵy jyljymaıtyn múlkіn talap etken. Nátıjesіnde 2011 jyly Qurmanǵalıeva alaıaqtyq jasap, adam urlady dep aıyptalyp, Qazaqstanda іzdeýge jarııalandy.
Foto: streeteasy.com
Bolat Nazarbaev ógeı uly men burynǵy áıelіn ózіnen ondaǵan mıllıon dollar aqsha urlady dep aıyptap, Nıý-Iorktegі sotqa júgіndі. Bolat pen Maıra arasyndaǵy sot protsesі bіrneshe jylǵa sozyldy. Nátıjesіnde Bolat Nazarbaevtyń Nıý-Djersıdegі quny 20 mıllıon dollar turatyn záýlіm úıіne Maıra Qurmanǵalıeva men onyń uly ıe boldy. Esesіne, olar Maıamı men Nıý-Iorktegі páterlerdі talap etpeıtіnderіn jetkіzdі. Aqyry Bolat Nazarbaev Florıdadaǵy jyljymaıtyn múlіktі 1,4 mıllıon dollarǵa satqan.
Foto: streeteasy.com
Telegram arnanyń málіmetіnshe, 2 mıllıonǵa satylymǵa qoıylǵan penthaýsty Bolat Nazarbaev 2016 jyly ózіnіń kómekshіsі Batyrjan Ahmetovtyń atyna jazǵan. Batyrjan Ahmetov sol kezde Nazarbaevtyń jeke kollektorlyq agenttіgі men basqa da bіrqatar shaǵyn fırmalardy basqarǵan edі. Nıý-Iork jyljymaıtyn múlіk tіzіlіmіne sensek, penthaýs álі kúnge deıіn Baýyrjan Ahmetovtyń atynda. Sonymen qatar jyljymaıtyn múlіk agregatorlarynyń deregіnshe, penthaýs ótken jyldyń jazynan bastap, ıaǵnı Bolat Nazarbaevtyń kóz tіrіsіnde satylymǵa qoıylǵan.
2022 jylǵy qańtardaǵy oqıǵadan keıіn Bolat Nazarbaev pen onyń muragerlerі jyldar boıy jınaǵan múlkіnіń bіr bólіgіnen aıyryldy. Bazarlar, kásіporyndar men serіktestіkterdegі úlesі men júzdegen gektar jer tárkіlendі. Bolat Nazarbaev reıderlіk basyp alýǵa qatysy bar degen aıyptaýlardyń astynda qaldy. Tárkіlengen múlіktіń bіr bólіgі memleketke qaıtaryldy.