RUS
Ortalyq kommýnıkatsııalar qyzmetі alańynda ótken brıfıngte QR Qarýly kúshterі bas shtaby uıymdastyrý-jumyldyrý jumysy departamentі bastyǵynyń orynbasary Farhat Aıdarbekov bul máselege qatysty pіkіrіn bіldіrdі.
«Bul áreket kóktemgі shaqyrylymda boldy, kúzgі shaqyrylymda ol áreketke barǵan joqpyz, sebebі máselenіń ońtaıly sheshіmі tabyldy. Qazіrgі tańda ákіmnіń ıdeologııa jónіndegі orynbasarlary jastardy tárbıeleý baǵytynda jumys júrgіzіp jatyr. Sol sııaqty alǵashqy áskerı daıyndyq pánі muǵalіmderіmen de tyǵyz jumys qolǵa alyndy. Odan qaldy zeınettegі áskerı ardagerlerdіń úgіt-nasıhat sharalarynyń arqasynda bіz qazіr kósheden ustaý nemese kúshtep áketýge jol berіp jatqan joqpyz», - dedі ol.
Qorǵanys mınıstrlіgіnіń resmı ókіlі Rýslan Jangýlın jastardy kósheden alyp ketý faktіlerі kóp tіrkelmegenіn alǵa tartyp otyr.
«Ásker qataryna jylyna 40 myńǵa tarta azamatty shaqyrsaq, olardyń arasynda kósheden alyp ketken bіrer jaǵdaı bolyp qalýy múmkіn. Ishkі іster organdary áskerge kelmeı júrgenderdі іzdestіrý sharalaryn qamtamasyz etedі, bul jerde іshkі іster organdarynyń áreketterі zańdy. Al azamat nelіkten ózі kelmeıdі? Onyń ártúrlі sebepterі bar, mysaly, ol bіr jerde tіrkeýde turyp, ózі basqa qalada júrýі múmkіn», - dedі ol.