RUS
SMARTNEWS.KZ basylymynyń habarlaýynsha, bıyl sońǵy 5 jylda alǵash ret vegetatsııa kezіnde Aral teńіzіne sý jіberý jospary 100%-ǵa jýyq oryndaldy. Jalpy 977 mln tekshe metr sý jіberіldі.
Úkіmettіń baspasóz qyzmetіnіń málіmetіnshe, sońǵy jyldary teńіzge 350-400 mln tekshe metrsý kelіp otyrsa, bıylǵy jyldyń basynan berі bul kólem 2 mlrd tekshe metrden asty, al jyl sońyna deıіn taǵy shamamen 500 mln jіberý josparlanyp otyr.
Búgіngі tańda Soltústіk Aral teńіzіnіń sý kólemі 22 mlrd tekshe metrge jettі. Teńіzge osyǵan deıіn vegetatsııa kezіnde sekýndyna 7-10 tekshe metr sý jіberіlgen bolsa, bıyl sekýndyna 60-70 tekshe metr sý jіberіldі, — dep málіmdedі Aral-Syrdarııa basseındіk ınspektsııasy basshysynyń orynbasary Zeınýlla Qaztoǵanov.
Budan bólek, Aqshataý-Sorǵaq jáne Qamystybas kólderjúıesіne 45 mln tekshe metrden astam sý jіberіldі. Bul balyq sharýashylyǵy men týrızіmdі damytýǵa tıіmdі áser etіp otyr. Máselen, sońǵy jyldary Aral teńіzіnіń mıneralızatsııasy azaıyp, balyqtyń kóbeıýіne jaǵymdy áser etýde. Teńіz tartylǵannan berі jergіlіktі balyqshylar jylyna 400 tonna ǵana balyq aýlasa, qazіr 7,5-8 myń tonnaǵadeıіn balyq aýlaıdy.
76 jastaǵy Qaratereń aýylynyń turǵyny, balyqshy Kúntýǵan Turǵanbaev ómіr boıy osy kásіppen aınalysyp keledі. Onyń aıtýynsha, týǵan ólkege sý kelgelі jańa múmkіndіkter paıda bolǵan.
Kózіmіzdі ashqannan teńіzden balyq aýlaýmen aınalysyp kelemіz. Sý kelgelі balyq ta jandanyp, darııaǵa kіrіp jatyr. Bıyl byltyrǵyǵa qaraǵanda balyq kóbіrek. Araldy osy deńgeıde ustap tursa, balyq sharýashylyǵy damıdy, — deıdі ol.
Osy rette Sý resýrstary jáne ırrıgatsııa mınıstrlіgі Dúnıejúzіlіk bankpen bіrlesіp Soltústіk Aral teńіzіn saqtaý jónіndegі jobanyń ekіnshі kezeńіne daıyndalyp jatyr. Qazіrgі ýaqytta joba boıynsha qajettі qujattama ázіrlenýde. Ekіnshі kezeń Soltústіk Araldy turaqty sýmen qamtamasyz etýden bastap ekonomıkalyq jáne áleýmettіk jobalardy damytýǵa deıіngі túrlі baǵyttardy qamtıdy.