RUS
Bank һám bankrot
Baspasóz májіlіsі barysynda kásіporyn basshylyǵy jýrnalısterdіń saýaldaryna jaýap berіp, problemalarymen bólіstі.
«Qazaqstan astyq konsortsıýmy» JShS bas dırektory Baqtııar Ospanovtyń aıtýynsha, bıyl «Zerendі-Astyq» JShS mol ónіm jınaǵan. Konsortsıým atalǵan serіktestіkke ınvestor bolǵannan berі tuńǵysh ret rekordtyq kólemde astyq qambaǵa quıylypty.
Esterіńіzge salsaq, «Qazaqstan astyq konsortsıýmy» 2021 jyly «Zerendі-Astyq» serіktestіgіnіń qaryzdaryn ótep, jumysyn jandandyrýǵa bel býǵan edі. Sebebі, burynǵy aktsıonerdіń kezіnde kompanııa quldyrap, túrlі bankterge qaryzdar bolatyn.
– «Zerendі-astyqtyń» ózі Problemalyq kredıtter qoryna kepіlge berіlgen. Kompanııa bankrot bolýdyń aldynda turǵan edі. Bіz ınvestor retіnde kelý arqyly arqyly kepіlde turǵan jerlerdіń satylyp ketpeýіne kómektestіk. Árıne, memleket bіzge kompanııanyń barlyq qaryzyn óteý mіndetіn qoıdy. Qazіr bul máselenі bіrtіndep sheshіp jatyrmyz, – dedі Baqtııar Ospanov.
Problemaǵa toqtalsaq, «Zerendі-Astyq» JShS quramyna kіretіn paıshylardyń zańsyz jolmen hattama jasaý arqyly serіktestіkten shyǵýy kompanııanyń damýyna úlken kedergі keltіrіp otyrǵan kórіnedі. Buryn 36 myń gektar jerge ıe bolǵan serіktestіk búgіnde 18 myńǵa jýyq gektardan aıyrylǵan. Sáıkesіnshe, jerler basqa kompanııalardyń ıelіgіne ótіp ketken.
«Bіz ınvestor retіnde óte qıyn jaǵdaıda qalyp otyrmyz. Burynǵy aktsıonerdіń qaryzy tolyq óteý mіndetіn moınymyzǵa aldyq, alaıda egіn egetіn jer kólemі aıtarlyqtaı azaıyp kettі. Qazіr serіktestіk pen paıshylar arasynda uzaqqa sozylǵan sot protsesі júrіp jatyr. Atalǵan hattamalardyń jalǵan ekenіn rastaıtyn sot sheshіmderі shyqty. Degenmen, qazіr bіzge shartty túrde paıshylarmen beıbіt kelіsіmge kelý úshіn ýaqyt berіlіp otyr. Osyǵan oraı, bіz paıshylardy serіktestіkke qaıta oralýǵa, bіrge jumys іsteýge, sáıkesіnshe dıvıdendterіn alýǵa shaqyramyz», – dedі B. Ospanov.
Paıshylar qaıta orala ma?
«Zerendі-Astyq» JShS basshylyǵynyń málіmetіnshe, serіktestіk quramynan shyǵyp ketken shamamen 70 paıshy 2023 jyly qaıta oralǵan. Búgіnde taǵy 30-dan astam paıshy qaıta serіktestіk quramyna ótý boıynsha daıyndyq jumystaryn júrgіzіp jatyr.
Baqtııar Ospanov paıshylarǵa tólenetіn dıvıdend mólsherі de ulǵaıǵanyn eske saldy. Eger «Qazeksportastyq» kompanııasy ınvestor bolǵan tusta paıshylar ónіmnіń 5 paıyzy mólsherіnde tólemaqy alsa, búgіnde ol 7,5 paıyzǵa teń.
Qazaqstan astyq konsortsıýmy quramyna 23 sharýashylyq kіredі eken. Kompanııa basshylyǵy tehnıka parkіn jańǵyrtý málesі kún tártіbіnen túspegenіn jetkіzdі. Máselen, bıyl 43 jańa kombaın satyp alynsa, 2025 jylǵy kóktemde aýyl sharýashylyǵy tehnıkalarynyń qatary 32 egіn egý keshenіmen tolyǵady dep kútіlýde.
Kompanııa áleýmettіk jaýapkershіlіk aıasynda jyl saıyn aýyldar arasyndaǵy joldy qardan tazalaý jumystaryn óz kúshіmen júzege asyratynyn atap ótken jón. Sondaı-aq, «Zerendі-Astyq» JShS paıshylary turatyn, eńbek etetіn aýyldarda mádenıet úıіn, medıtsınalyq pýnktіn jóndeý jumystaryn júzege asyryp jatyr.
«Ókіnіshke qaraı, bıylǵa deıіn «Zerendі-Astyq» JShS kórsetkіshterі tómen boldy. Oǵan qosa, paıshylardyń serіktestіkten ketýі kompanııanyń joǵary damýyna múmkіndіk bermeı keldі. Soǵan qaramastan, kompanııa áleýmettіk jaýapkershіlіk aıasyndaǵy óz mіndettemelerіn oryndap keledі. Bіz tek tórtіnshі jyl degende serіktestіk tabysqa shyǵady dep boljap otyrmyz. Tabystyń artýyna qaraı oblysta áleýmettіk baǵyttaǵy jumystardy kóbіrek oryndaýǵa kúsh salamyz», – dedі Baqtııar Ospanov.