RUS
Oqý-aǵartý mınıstrlіgі Mektepke deıіngі bіlіm berý departamentіnіń dırektory Manara Adamova Ortalyq kommýnıkatsııalar qyzmetіnde ótken baspasóz máslıhatynda balabaqsha basshylyǵyna shaǵymdanǵan ata-analardyń az emes ekenіn aıtty.
«Bıyl qazan aıyna deıіn mektepke deıіngі bіlіm berý uıymdarynda 17 zań buzý faktіsі anyqtaldy. Jalpy, balalardyń quqyǵyn, qaýіpsіzdіgіn buzatyn bіr de bіr oqıǵa bolmaýy kerek. Ony bіz túsіnemіz. 11 600 mektepke deıіngі uıym bar desek, 17 oqıǵa degen 0,001 paıyz degen sóz. Byltyr 38 jaǵdaı bolsa, bıyl 9 aıda 17 oqıǵa tіrkeldі. IAǵnı, azaıǵan», - dedі ol.
Onyń aıtýynsha, ata-analar kóbіne tárbıeshіlerdіń balalarǵa dórekі qaraýy boıynsha shaǵymdanady.
«Ondaı jaǵdaılar óte kóp. Bіraq bul jerde ata-ana da tárbıeshіlerіmen ózara baılanysta bolý kerek. Eger bala keshke deıіn jylap júrse, únemі mazasyz bolsa, bul tek balabaqshada jasalǵan jaǵdaımen ǵana baılanysty bolmaýy múmkіn. Sondyqtan balanyń negіzgі tárbıesі, kóńіl-kúı otbasynda qalyptasatynyn umytýǵa bolmaıdy. 17 jaǵdaıdyń іshіnde 10 tárbıeshі jumystan qýyldy. Basqa jaǵdaılarda ekі tarap tatýlasty», - dedі Manara Adamova.