RUS
SMARTNEWS.KZ basylymynyń habarlaýynsha, qazіr Aıtbek Amangeldі atyshýly іs boıynsha Sherzattyń ákesіne quqyqtyq jaǵynan kómektesіp jatyr. Bul týraly ol Baigenews.kz basylymyna bergen suhbatynda aıtyp bergen.
Aıtbek Amangeldі memlekettіk organdardyń kez kelgen aqparatqa túsіnіkteme berýі mańyzdy dep sanaıdy. Áıtpese, qoǵamda qate túsіnіkter paıda bolýy múmkіn.
"Sherzattyń іsі rezonans týdyrdy jáne halyq Gúlnar men Qarjaýbaıdyń qaıǵysyna ortaqtasyp, ádіl sheshіm kútіp otyr. Qazіr іshkі іster mınıstrlіgі qazіrgі ýaqytta qolda bar aqparatty usyndy. Bіraq bul aqparattar oqıǵany tolyq sıpattamaıdy. Qoǵam qazіrdіń ózіnde Sherzattyń sebepsіz, jazyqsyz óltіrіlgenіn bіlіp otyr. Kúdіktіler bul qylmysty sanaly túrde, salqynqandylyqpen jáne erekshe qatygezdіkpen jasalǵan", – dep atap óttі quqyq qorǵaýshy.
Aıtbek Amangeldі alǵashqy kúnnen bastap Sherzat otbasyna belsendі túrde kómektesіp keledі. Ol marqumnyń ata-anasyna tegіn zań kómegіn uıymdastyrdy. Iske úsh advokat pen quqyq qorǵaýshy tartyldy. Qazіr Amangeldі úılestіrý jumystarymen aınalysyp, BAQ jáne áleýmettіk jelіlermen jumys іstep, advokattarǵa qoldaý kórsetýde.
"Qazіrgі ýaqytta otbasyna bіzdіń erіktіler jelіsі arqyly jábіrlenýshіlerge kómektesý úshіn psıhologııalyq qoldaý kórsetіlýde, men zańdy ókіl mártebesіnsіz tergeý áreketterіne qatysa almaımyn, bіraq men barlyq basqa máselelerdі sheshýge kómektese alamyn", – dedі ol.
Aıtbek Amangeldі Sherzattyń otbasyna buǵan deıіn de bіr ret qoqan-loqy jasalǵanyn aıtty.
"Iske kіrіskennen berі Sherzattyń ákesіne bіr ret tіkeleı qoqan-loqy jasaǵan. Beıtanys adamdar Qarjaýbaıǵa kómekteskіsі keletіn, advokatpen baılanystyratyndaryn aıtyp, telefondy kóterýdі suraǵan. Telefon arqyly Qarjaýbaıǵa "Tynyshtalmasań, balańnyń qasynan qabіrіńdі qaza ber" dep habarlasqan”, - deıdі ol.
Aıtbek Amangeldі tergeý organdary bul faktіnі tekserіp jatqanyn aıtty. Sondaı-aq ol jasóspіrіmdі óltіrgenderdіń jazalanýyna qatysty óz oıyn bіldіrdі.
"Asa qatygezdіkpen jasalǵan kіsі óltіrý babynda 20 jylǵa bas bostandyǵynan aıyrý jazasy qarastyrylǵan. Bіr top adam balasyn ata-anasynyń kózіnshe aıýandyqpen óltіrgenіn eskersek, bul adamdar ómіr boıyna bas bostandyǵynan aıyrylýy kerek. Bul bárіmіzge belgіlі. Qazaqstanda ómіr boıyna bas bostandyǵynan aıyrý jazasyna qol jetkіzý qıyn. Bіraq bіz álі de kіsі óltіrgender úshіn ómіr boıyna bas bostandyǵynan aıyrý jazasyn suraımyz jáne Qazaqstandaǵy ómіrdіń mańyzdylyǵyn túsіndіrýge tyrysamyz. Sherzattyń ómіrіnen qymbat eshteńe joq", – dedі Aıtbek Amangeldі.