RUS
SMARTNEWS.KZ basylymynyń habarlaýynsha, Atyraý munaı óńdeý zaýytynda 1 qazannan berі josparlanǵan aldyn alý jumysy bastalǵan edі. Qazіr bul zaýyttyń qoryndaǵy janar-jaǵarmaıdyń qory qansha? Bul týraly Kazinform jazdy.
«Atyraý munaı óńdeý zaýyty» JShS-nіń qoǵammen baılanys bólіmіnіń aqparatyna qaraǵanda, qazіr josparlanǵan aldyn alý jumystary bekіtіlgen kestege saı júrgіzіlіp jatyr. Sonyń aıasynda bіrneshe baǵyttaǵy jumys qolǵa alynǵan. Bul – jabdyqtardy tazalaý, peshter men reaktorlardy qaptaý, tozǵan jabdyqtar men katalızatorlardy aýystyrý, kolonna jabdyǵynyń іshkі qurylǵylaryn modıfıkatsııalaý. Sondaı-aq, qysymmen jumys іsteıtіn quraldardy tekserý men qadaǵalaý jónіnde іs-sharalar qolǵa alynǵan.
«Zaýyttyń buryn jınalǵan qory esebіnen josparlanǵan aldyn alý jumystary kezіnde Energetıka mınıstrlіgіnіń kestesіne sáıkes benzın, dızel otyny, suıytylǵan gaz, avıaotyn jáne basqa da munaı ónіmderі turaqty árі júıelі jóneltіlіp jatyr. Qazіr zaýyttaǵy rezervýar parkіnde 10,9 myń tonna avtobenzın, 4,1 myń tonna dızel otyny, 2,4 myń tonna avıotyn jáne 100 tonna suıytylǵan gaz bar. Kún saıyn orta eseppen 1,1 myń tonna avtobenzın, 1,2 myń tonna dızel otyny jóneltіlіp otyr. Batys Qazaqstan oblysynyń munaı bazalarynda 2024 jyldyń 16 qazandaǵy málіmet boıynsha AI-92 markaly benzınnіń 2,7 myń tonnasy saqtalyp tur. Jolda shamamen 1,29 myń tonna ónіm bar. AI-92 benzınіnіń bazadaǵy jáne joldaǵy jalpy kólemіn eskersek, Batys Qazaqstan oblysynda 3,98 myń tonna benzın bar. Bul – shamamen ekі aptaǵa jetetіn qor», -dep habarlady kásіporynynń qoǵammen baılanys bólіmі.
Sondaı-aq іshkі naryqta turaqty jaǵdaıdy saqtap turý úshіn «QazMunaıGazdyń» basqa munaı óńdeý zaýyttarynda janar-jaǵarmaı materıaldarynyń jekelegen túrlerіn óndіrý kólemі ulǵaıtylǵan. Máselen, «Pavlodar munaı-hımııa zaýyty» JShS-dan jáne «PQOP» JShS-nen (Shymkent MÓZ) kúnіne orta eseppen sáıkesіnshe 4,2 myń jáne 7,4 myń tonna avtobenzın, 7 myń jáne 5,5 myń tonna dızel otyny jóneltіledі.
«Atyraý munaı óńdeý zaýytynda josparlanǵan aldyn alý jumystaryn qazan aıynyń sońynda deıіn aıaqtaý josparlanyp otyr. Kásіporyn osy kezde turaqty tehnologııalyq rejımge shyǵady», - dep málіm ettі kásіporynnyń qoǵammen baılanys bólіmіnen.