«Barys»: Júldenіń aýyly alys
Sońǵy ýaqytta oıynshylary qomaqty jalaqy alatyn «Barys» hokkeı klýby jaıly az aıtylyp júrgen joq. Sol jalaqyǵa laıyq oıyn órnegіn kórsetse eshkіm úndemes edі. Bıylǵy qurlyqtyq hokkeı lıgasynda qarsylastarynan oısyraı utylyp, «upaı taratatyn» komanda atanǵany otandyq jankúıerlerdіń júıkesіne tıgenі ras.
Iá, sheteldіk hokkeıshіlerdіń іs tyndyryp júrgenі shamaly. Al, aılyǵyn estіseń... 332 mıllıon teńge! Jankúıerlerdіń narazylyǵynan keıіn be álde «Barystyń» utyla bergenі ózderіne de abyroı ákelmeıtіnіn bіldі me eken, mınıstrlіk klýb basshylyǵyn aýystyrdy. Jańa qyzmetke Nurlan Orazbaev taǵaıyndalyp, ol іske kіrіse sala legıonerlermen kelіsіmshartty buzýǵa kóshtі. Ol soltústіkamerıkalyq hokkeıshіlerge muqtaj emes ekenіn uqtyrdy.
Sóıtіp, reseılіk Danııl Apalkov pen belorýs Vladıslav Kodola, 332 mıllıon teńge jalaqy alatyn Maıkl Maklaýd, sondaı-aq, Natan Bolıe, Ýıll Batcher, Aleks Grant, Cheız De Leo, Sı Djeı Smıt, Ýeıd Ellısonmen kelіsіmshart toqtady.
Nurlan Orazbaev sheteldіk oıynshylarmen kelіsіmshartty buzý komandany saqtap qalýdan ońaı árі únemdі ekenіn alǵa tartyp otyr.
«Bіz Danııl Apalkov jáne Vladıslav Kodolamen kelіsіmshartty úzdіk. Sonymenqatar, soltústіkamerıkalyq legıonerlermen kelіsіmshart buzylǵany týraly týraly olardyń agentterіne habarlama jіberdіk. Qatarda tek Mattsson, Býrdasov, Nıkolıshın, Jafıarov, Setdıkov, Bocharov, Kamalov, Antıpın jáne Hohlov qaldy. Basqa oıynshylardyń barlyǵy – ulttyq quramaǵa úmіtkerler, óz shákіrtterіmіz», - dedі Orazbaev jýrnalısterge arnalǵan baspasóz máslıhatynda.
Jańa basshylyq kelgennen keıіn «Barys» taǵy utyldy. Bіraq azýly qarsylasqa barynsha tótep berdі. Oısyraı utylmady. Kóp soqqy jasady. Legıonerlermen qosh aıtysý qanshalyqty oń nátıje ákelerіn ýaqyt kórseter. Ne desek te, «Barys» úshіn júldenіń aýyly álі alys sııaqty.
Material avtory
