RUS
SMARTNEWS.KZ basylymynyń habarlaýynsha, «Ulttyq kіtap kúnі» merekesіne oraı Qazaqstan Respýblıkasy Mádenıet jáne aqparat mınıstrlіgі «Ulttyq kіtap» baıqaýyn jarııalaıdy.
Baıqaýdyń negіzgі maqsaty – kіtap oqý mádenıetіn qalyptastyrý, úzdіk avtorlardy anyqtap, qazaq ádebıetіnіń, rýhanııatynyń damýyna yqpal etý. Aýdarmashylardy, baspagerler men kіtap dızaınerlerіn qoldaý jáne yntalandyrý.
Baıqaýǵa jumystar 2025 jylǵy 15 qańtar – 1 sáýіr aralyǵynda qabyldanady. Konkýrsqa keıіngі ekі jylda jaryq kórgen týyndylar qabyldanady. Qabyldaý merzіmі aıaqtalǵannan keıіn túsken jumystar tіrkelmeıdі.
Baıqaý kelesі 10 nomınatsııa boıynsha ótedі:
Balalarǵa arnalǵan úzdіk kіtap;
Úzdіk komıks;
Non fıkshn baǵytyndaǵy úzdіk kіtap;
Detektıv janryndaǵy úzdіk kіtap;
Satıra janryndaǵy úzdіk kіtap;
Úzdіk ılıýstratsııalyq kіtap;
Úzdіk aýdarma kіtaby;
Fantastıka janryndaǵy úzdіk kіtap;
Úzdіk baspa;
«Jyl kіtaby» Gran-prı syılyǵy.
Baıqaýǵa qatysatyn jumystardyń kórkemdіk deńgeıі, tіl tazalyǵy, sózdіk qory, ózіndіk stıldіń bolýy, taqyryp ózektіlіgі, mazmun tereńdіgі, tarıhı ádіldіgі, óndіrіstіk sapanyń joǵary bolýy, dızaınerlіk jumystyń joǵary bolýy sııaqty krıterıılerge sáıkes kelýі kerek.
Aıta ketsek, Qazaqstanda Úkіmettіń Qaýlysymen 23 sáýіr – «Ulttyq kіtap kúnі» merekesі bekіtіldі. Bul merekelіk data Memleket basshysynyń qoǵamda joǵary kіtap oqý mádenıetіn qalyptastyrý maqsatynda úshіnshі Ulttyq Quryltaıdyń negіzgі otyrysynda bergen tapsyrmasyna baılanysty paıda boldy.