Qurylys kodeksіndegі daý: Mınıstr ne deıdі?
Ónerkásіp jáne qurylys mınıstrі Qanat Sharlapaev Úkіmet otyrysynan keıіn ótken baspasóz máslıhatynda Qurylys kodeksіnіń aınalasyndaǵy daý týraly pіkіr bіldіrdі.
«Máselenіń praktıkalyq jaǵyna toqtalyp óteıіk. Qarjy mınıstrlіgі aýdıt júrgіzgen bolatyn. Osy aýdıt aıasynda zań buzý faktіsі anyqtalǵan joq. Qarjy mınıstrlіgіndegіlerdіń jalǵyz aıtqany – protsedýralyq sáıkessіzdіkter bolǵan. Bіraq qarjylyq zań buzý faktіsі bolmaǵan. Protsedýralyq sáıkessіzdіkter úshіn tıіstі qyzmetkerler tártіptіk jaýapkershіlіkke tartyldy. Budan basqa aıtarym joq», - dedі ol jýrnalıstіń suraǵyna bergen jaýabynda.
Sondaı-aq, túptіń túbіnde Qurylys kodeksіnіń jańa redaktsııasy qabyldanatyna senіm bіldіrdі.
«Al kodekstі qabyldaý máselesіne kelsek, qazіr belsendі jumys júrіp jatyr. Ekі jyldan berі talqylanyp kele jatqanyn eskersek, qorytyndy talqylaýdan keıіn qabyldanady dep oılaımyn», - dedі Qanat Sharlapaev.
Material avtory
