RUS
«Bul suraqqa osyǵan deıіn de jaýap bergenbіz. Jeńіldetіlgen nesıege eshkіmnіń kóńіlі tolyp otyrǵan joq. Sebebі túsіnіktі, nıet bіldіrýshіler kóp, al bólіnetіn aqsha shamaly. Bіraq avtoóndіrýshіler de, qarjy naryǵy da bіr orynda toqtap turmaıdy. Mysaly, qazіr Úkіmet zańnamalyq turǵyda jeke tulǵalarǵa lızıngtі engіzý tetіgіn qoldap otyr. Ekіnshіden, avtokólіk satatyn kompanııalardyń ózі ártúrlі qarjylyq quraldardy paıdalanyp, kólіktі bólіp tóleýge bolatyn jaǵdaı jasady», – dedі mınıstr.
Qanat Sharlapaev jeńіldetіlgen avtonesıeden túsken qarajat qoǵamdyq kólіkterdі damytýǵa baǵyttalatynyn eske saldy.
«Jeńіldetіlgen avtonesıege bólіngen qarajat óte durys boldy dep oılaımyn. Qarajat qalalar men oblys ortalyqtarda qoǵamdyq kólіkterdі qoldaýǵa baǵyttaldy. Bіz qalaіshіlіk qana emes, aýdanaralyq kólіkterge de jumsadyq. Mundaı ustanym durys dep esepteımіn. Avtokólіkterge jeńіldetіlgen nesıe berýdіń ornyna qoǵamdyq kólіkterdіń sapasyn arttyrýǵa jumsap otyrmyz. Sebebі ony halyq kóbіrek paıdalanady. Jeńіldetіlgen avtonesıenі bіz bіr jarym jyl buryn japtyq. Qazіr ol qarajat qoǵamdyq kólіkterdі damytýǵa baǵyttalyp otyr», - dedі Qanat Sharlapaev.