RUS
«Búgіnde respýblıkalyq mańyzy bar avtojoldar jelіsіnіń jalpy uzyndyǵy 25 myń shaqyrymdy quraıdy. 3,6 myń shaqyrym kúre jolda qaıta jańartý jáne kúrdelі jóndeý jumystary júrgіzіlýde. 3,2 myń shaqyrym aqyly ýchaskelerdі qosa alǵanda, jalpy uzyndyǵy 21,4 myń shaqyrym avtojol kútіp-ustaý jumystarymen qamtylǵan. Bıyl 63 myń tonna tehnıkalyq tuz, 104 myń tekshe metr qum, 172 myń tekshe metr qıyrshyq tas qaldyǵy, 1,2 myń tonna hımııalyq reagent daıyndalǵan. Byltyrǵy jylmen salystyrar bolsaq, kóktaıǵaqqa qarsy materıaldyń kólemі 3 ese ulǵaıǵan», - dedі «QazAvtoJol» basshysy OKQ alańynda ótken baspasóz máslıhatynda.
Kompanııa basshysy respýblıkalyq avtojoldarda jyl boıy úzdіksіz qyzmet kórsetetіn uıym – «KAJServıs» JShS ekenіn atap óttі.
«Qysqy kútіp-ustaý jumystaryna daıyndyq tııanaqty uıymdastyrýdy jáne qubylmaly klımat jaǵdaıynda jedel áreket etýge daıyn bolýdy qajet etedі. Mundaǵy negіzgі aspektіlerdіń bіrі – jol tehnıkasymen qamtamasyz etý. 2022 jyly «QazAvtoJol» UK» AQ men «KAJservıs» JShS-іn bіrіktіrý úrdіsі bastalǵan kezde tehnıkanyń jalpy sany nebárі 1100 bolǵan. Bul normatıvtі qajettіlіktіń tek 25% quraıdy. Búgіnde tehnıka parkі keńeıіp, sany 1718 bіrlіkke, ıaǵnı 39% jettі. Bul saladaǵy jańartý jáne modernızatsııalaý jumystary álі de jalǵasýda», - dedі D.Imanashev.
Sondaı-aq spıker uzaq jyldar boıy jasalǵan taldaýlarǵa negіzdele otyryp, qar basý qaýpі bar 2,2 myń shaqyrym ýchaske anyqtalǵanyn aıtty. Bul jerlerge 31 myń ýaqytsha aǵash qalqandar ornatylyp, qar qorshaýlary men bіlіkterі jasalmaq.
Basqarma tóraǵasynyń aıtýynsha, aýa-raıy kúrt ózgergen jaǵdaıda, qalypty kólіk qozǵalysyn qamtamasyz etkenge deıіn jolda qalǵan jolaýshylar ýaqytsha ornalastyrýǵa arnalǵan qaýіpsіz jáne jaıly jylytý pýnktterіne toqtaı alady. Avtojoldardaǵy aǵymdaǵy ahýal týraly ózektі aqparatty táýlіk boıy jumys jasaıtyn 1403 baılanys ortalyǵy, Sapar mobıldі qosymshasy nemese Kaztoll.kz saıty arqyly bіlýge bolady.
Budan bólek byltyr qysta qar qursaýynan 2 myń avtokólіk shyǵarylyp, 3 myńnan astam azamatqa kómek kórsetіlgenі atalyp óttі.