RUS
SMARTNEWS.KZ basylymynyń habarlaýynsha, Saýd Arabııasynyń astanasy Er-Rııadta ótіp jatqan WTA (Women's Tennis Association) qorytyndy qorytyndy týrnırіne maýsymdaǵy nátıjeler boıynsha іrіktelgen álemnіń eń myqty degen segіz tennısshі ǵana joldama alǵan edі.
2 qarasha kúnі bastaý alǵan qorytyndy jarysqa joldama alǵandardyń qatarynda elіmіzdіń 1-raketkasy, al álemnіń 5-raketkasy Elena Rybakına boldy.
Óte bedeldі sanalatyn WTA qorytyndy týrnırіne qatysý múmkіndіgі – Rybakınanyń mansap jolyndaǵy osymen ekіnshі ret qol jetkіze alǵan joldamasy. Sondyqtan bul jarys onyń karerasy úshіn aıtarlyqtaı asa mańyzdy deýge negіz bar.
Sonymen kúlgіn top quramynda óner kórsetetіn Elena Rybakınanyń qarsylastary bop belgіlengender:
1. Italııa – Jasmın Paolını (4-raketka)
2. Qytaı – Chjan TSınven (7-raketka)
3. Belarýs – Arına Sobolenko (1-raketka)
Bulardyń іshіnde Rybakınanyń alǵashqy qarsylasy ıtalıan Jasmın Paolını (4) boldy. 1 saǵat 44 mınýtqa sozylǵan tartysty jarystyń esebі 6:7 (5:7), 4:6 bolyp, jeńіs ıtalıan qyzdyń enshіsіnde qaldy.
Endі Elena Rybakına erteń, 4 qarashada qytaı tennısshіsі Chjen TSınvenge (7) qarsy baq synaıdy. Qytaı tennısshіsі belarýs Arına Sobolenkodan (1) jeńіlіp qalǵan edі.
Eger Rybakına qytaı qarsylasynan aılasyn asyra alsa, onda jeńіske qandaı da bіr úmіt bar deýge bolady. Sebebі ár toptan úzdіk shyqqan ekі oıynshy ǵana jartylaı fınalǵa joldama alady.