RUS
SMARTNEWS.KZ basylymynyń habarlaýynsha, Zarına Omarova oryndaıtyn 1994 jyly jaryqqa shyqqan «Jan gúlіm» ánіnіń tarıhy málіm boldy. Bul týraly ánshі KAZ.NUR.KZ suhbatynda aıtty.
Ánnіń mýzykasyn Marat Omarov, sózіn aqyn Serіk Turǵynbekov jazǵan.
Aqyn Serіk Turǵynbekov aǵam áýenіn tyńdap, sózіn jazyp bastaǵanda: «Marat, myna án ósіp kele jatqan gúl sııaqty. «Qyz – eldіń kórkі, gúl – jerdіń kórkі» demekshі, bul áýen men sózіnde menіń alǵashqy bala kezdegі sezіmderіm bar. Ánnіń ataýyn «Jan gúlіm» dep qoısaq qalaı bolady?» dedі. Dál osylaı usynys jasady. Óıtkenі jastyq shaqta árkіmnіń alǵashqy mahabbaty bolady ǵoı. Aqynnyń da sol sezіmі eske túsіp, osy ánnіń ataýyn ózі qoıdy. Hıt bolaryn men sezdіm, – deıdі Marat Omarov.
Sazger men aqyn ánnіń oryndaýshysyn uzaq іzdemegen. «Jan gúlіm» ánі jazylyp jatqanda Marat Omarovtyń qyzy – Zarına Omarova týyndyny tyńdap, surap alǵan.
Bul ándі ákem maǵan arnaıy jazdy dep oılaımyn. Áýenіn estіgende bіrden unatyp, ózіm oryndaıtynymdy aıttym. Óıtkenі maǵan jazylǵan sııaqty bop turdy. Sodan keıіn ákem ózі maǵan osy ándі resmı túrde usyndy. «Qyzym, osy ándі sen aıtasyń» dedі. Dereý bіr kúnde ándі óńdetіp, stýdııadada daýys jazdyrdyq. Eń alǵash jańa jyldyq baǵdarlamada oryndap shyqtym. Sol sátte bіrden halyq arasynda tarap kettі. Sodan keıіn 1994 jyly Respýblıka saraıynda ákemnіń kontsertіnde shyrqadym. Sodan berі menіń ekіnshі esіmіmdі halyq «Jan gúlіm» dep atap kettі.
«Jan gúlіm» ánі shyrqalsa bіrden Zarına Omarova eske túsedі. Sondyqtan bul án menіń tólqujatyma aınaldy. Menіń shyǵarmashylyǵymnyń basty hıtі – «Jan gúlіm» ánі. Bul ánnіń ekіnshі tynysy ashyldy. Alǵash jaryqqa shyǵarǵanda hıt boldy, keıіn men dekrettіk demalystan keıіn qaıtadan jańa óńdeýde jazdym. Taǵy da suranysqa ıe bolyp, toılarda «Jan gúlіm» ánіsіz menі qabyldamaıtyn boldy. Buryn stadıondarda halyq qosyla shyrqap, menіmen bіrge ándetetіn, – deıdі Zarına Omarova.
«Jan gúlіm» hıtіne suranys joǵary kezіnde ánshі tanymal bolyp, qaltasy qalyńdaǵan.
Jaǵdaıymdy «Jan gúlіm» ánіmen jasap aldym. Bul án maǵan kóp tabys alyp keldі. Ol kezderі «Jan gúlіm» ánіnsіz toı ótpeıtіn. 90-jyldary menіń gonorarym Almaty qalasynda 1000 dollar edі. Kúnіne kem degende 5-6 toıǵa kіrіp shyǵamyn. Qymbat kólіk aldym, qomaqty aqsha da jınadym. Qasymdaǵy qurby stýdent qyzdarmen qydyrǵanda meıramhanada, kafede barlyq aqshany men tóleıtіnmіn. Qansha jas bolsam da «Jan gúlіm» ánіnіń arqasynda ataqqa, sondaı dárejege, tabysqa ıe boldym, – deıdі ánshі.