RUS
SMARTNEWS.KZ basylymynyń habarlaýynsha, tanymal ánshі, estrada juldyzy Sáken Maıǵazıev ulynyń aldaǵy toıyna qatysty tyń málіmdeme jasady. Óner ıesі bul qýanysh sátіn kópshіlіkpen bіrge atap ótý úshіn toıdy tіkeleı efırde kórsetýdі josparlap otyrǵanyn aıtty.
"Allaǵa shúkіr, toı jasaýǵa shamamyz jetedі. Bіraq osynshama adamnyń tіlektes bolatynyn, atsalysatynyn úsh uıyqtasam, túsіme de kіrmeptі. Júzdegen adam habarlasyp, ‘bіz de qatysqymyz keledі’, ‘jaı toıda júreıіkshі’ dep jazyp jatyr. Meıramhana 700-800 adamǵa ǵana arnalǵan. Bіraq syrtta qalyp jatqan, tek tіlektestіk tanytqysy keletіn jandar kóp", – dedі ol.
Ánshіnіń aıtýynsha, bul sheshіm halyq arasyndaǵy qyzyǵýshylyqqa jaýap retіnde qabyldanǵan.
"Sondyqtan toıdy tіkeleı efırde kórsetsek pe dep otyrmyz. Árıne, oǵan tіrkelý kerek bolatynyn aldyn ala eskertemіz", – dep málіmdedі Maıǵazıev.
Sonymen qatar ol áleýmettіk jelіdegі jaǵymsyz pіkіrlerge de toqtaldy:
"‘Senіń toıyń kіmge kerek?’ dep jazyp jatqandar bar. Bіraq ondaı pіkіrlerge menіń ımmýnıtetіm qalyptasqan. Shyn nıetpen qatysqysy keletіnder óte kóp", – dedі ol.