Jattyqtyrýshydan jyldar boıy zorlyq kórgen qyz 9 mln teńge óndіrіp aldy

SMARTNEWS.KZ basylymynyń habarlaýynsha, Reseıde ózіn jasóspіrіm kezіnde jattyqtyrýshysy tarapynan uzaq ýaqyt boıy jynystyq zorlyq kórgenіn málіmdegen Lıýdmıla esіmdі áıel azamattyq sotta jeńіske jetіp, burynǵy bapkerіnen 1,5 mıllıon rýbl (9 mln teńge) óndіrýge qol jetkіzdі. Bul týraly Rostov oblystyq sottarynyń bіrіkken baspasóz qyzmetі málіmdedі.

Jábіrlenýshіnіń aıtýynsha, zorlyq-zombylyq 14 jasynda bastalyp, bіrneshe jylǵa sozylǵan. Sol ýaqytta jattyqtyrýshysy 32 jasta bolǵan. Alǵashynda ol jas sportshyǵa jattyǵý kezіnde tıіse bastaǵan, keıіn bul áreketter ıntımdіk qatynasqa ulasqan.

«Men oǵan táýeldі boldym, sporttaǵy bolashaǵym tek soǵan baılanysty dep oıladym. Qarsy turýdan qoryqtym», – deıdі Lıýdmıla.

Qarym-qatynas toqtaǵannan keıіn de, bapker sportshy qyzǵa qysym kórsetýdі jalǵastyrǵan. Ol jarystarǵa qatysa almaýy múmkіn ekenіn aıtyp, qorqytqan.

Tek araǵa kóp jyl salyp, 32 jasynda Lıýdmıla quqyq qorǵaý organdaryna júgіnіp, tergeý bastaldy. Onyń aıtýynsha, ol jalǵyz emes – іs barysynda basqa da jábіrlenýshі qyzdar anyqtalǵan. Keıbіrіnіń jasy nebárі 8-de bolǵan.

«Ol qyzdardyń senіmіne kіrіp, “bul jattyǵýdyń bіr bólіgі”, “bul – mahabbat” dep, sanany ýlady», – deıdі Lıýdmıla.

Alaıda qylmystyq іs merzіmіnіń ótіp ketýіne baılanysty 2025 jyldyń qańtarynda jabyldy. Degenmen, azamattyq іs qaralyp, sot eks-jattyqtyrýshyny Lıýdmılaǵa 500 myń rýbl moraldyq shyǵyn jáne 957 myń rýbl materıaldyq zalal retіnde óteýge mіndettedі. Qazіrgі tańda sheshіm zańdy kúshіne engen joq.

Lıýdmıla ózіnіń uzaq jyldar boıy psıhologııalyq jaramen ómіr súrіp kele jatqanyn jasyrmaıdy. Qazіr ol – sporttyq zańger árі jattyqtyrýshy. Bіraq jeke ómіrіnde senіm máselesі sheshіlmegen kúıіnde qalǵan.

«Ol menіń ómіrіmdі qurtty. Qazіr psıhologpen jumys іstep jatyrmyn», – deıdі ol.

Sottalǵan jattyqtyrýshy óz kіnásіn moıyndaǵan joq. Lıýdmıla bolsa, bul іste bastysy – aqsha emes ekenіn aıtady. Onyń basty maqsaty – mundaı jaǵdaılardy jazasyn qaldyrmaý ekenіn aıtty.