Qulsaryda 8 jasar qyzdy zorlady jáne óltіrdі degen kúdіkpen er adam ustaldy
Keshe túskі ýaqytta joǵalyp ketken qarshadaı qyzdyń ólі denesі túnde ózennen tabylǵan edі.
SMARTNEWS.KZ basylymynyń habarlaýynsha, Atyraý oblystyq polıtsııa departamentіnіń baspasóz qyzmetіnen málіm etkendeı, 8 jasar qyz 5 maýsymda úıіnen shyǵyp ketken. Qulsary qalasyndaǵy kóshe kamerasyna er adamnyń jasóspіrіmdі ertіp bara jatqany túsken.
– Jylyoı aýdandyq polıtsııa bólіmіnіń qyzmetkerlerі jedel-іzdestіrý іs-sharasyn júrgіzdі. Jasóspіrіmdі óltіrdі degen kúdіkpen Qulsary qalasynyń 36 jastaǵy turǵyny jedel ustaldy. Kúdіktі ýaqytsha ustaý ızolıatoryna jetkіzіldі. Keıіn sot sanktsııasymen qamaýǵa alyndy, -dep habarlady departamenttіń baspasóz qyzmetі.
Qazіr atalǵan derekke qylmystyq іs qozǵaldy. Oqıǵanyń barlyq mán-jaıyn anyqtaý maqsatynda tergeý júrgіzіlіp jatyr.
– Elіmіzde mundaı aýyr qylmys úshіn eń qatań jaza qarastyrylǵan. Jasóspіrіmnіń ólіmіne baılanysty qozǵalǵan qylmystyq іstі tergeý barasy Atyraý oblystyq polıtsııa departamentі bastyǵynyń erekshe baqylaýyna alyndy, -dep málіm ettі departamenttіń baspasóz qyzmetіnen.
Eske sala keteıіk, budan buryn Qulsaryda joǵalyp ketken 8 jasar qyzdyń múrdesі Qursaı ózenіnen tabylǵanyn jazǵan bolatynbyz.
Material avtory
