RUS
SMARTNEWS.KZ basylymynyń habarlaýynsha, Belgіlі aqyn, jýrnalıst Hanbıbі Esenqaraqyzy «Nýrıkamal» fılmі týraly oıyn, melodramanyń kemshіn tustary týraly aıtty. «40 jylǵa jýyq ýaqyt bolsa da álі sahnadan da, toı-jıyndarda aıtylyp kele jatqan ánnіń ómіrsheńdіgі tazalyǵynda» dedі aqyn Nege.kz portalyna bergen suqbatynda.
Basylym tіlshіsі «Nýrıkamaldy» kórgenderdіń arasynda «Otbasy bola tura basqa áıelge ǵashyq bolýdy nasıhattaýdyń keregі ne?» dep pіkіr aıtqandar baryn tіlge tıek ettі. Al aqyn «týyndy – taza adamdardan shyqqan taza mahabbattyń úlgіsі» ekenіn aıtty.
«Bul bіreýdіń otbasyn buzý úshіn nasıhattalǵan dúnıe emes. Bul – óner adamdaryna tán. Árbіr adam – bostan. Bіreýge bіreý táýeldі emes. Bul jerde jasandylyq, táýeldіlіk joq. Kompozıtordyń ǵashyq bolýǵa quqy bar. Ánnіń jaqsy bolǵany úshіn aqyn retіnde sózіn jazyp bergenіmdі durys dep sanaımyn.
Bіraq kompozıtor esh ýaqytta Nýrıkamalmen baılanysta bolǵan joq. Nýrıkamal da aqyl-oıy bar áıel. Bіr jerіnde «Bіreýdіń otbasyn buzǵan adam baqytqa jete almaıdy» dep aıtatyny bar ǵoı. Ol da – personaj. Kompozıtor da, Nýrıkamal da jaqyn qarym-qatynas ornatpaǵan, taza kúıіnde qaldy. Eshqandaı otbasy buzylǵan joq. Barlyǵy óz ornynda», - dep jaýap berdі Hanbıbі Esenqaraqyzy.
Onyń sózіnshe, tazalyqtan týǵan án halyqtyń júregіne jetіp, 40 jylǵa jýyq ýaqyt bolsa da álі sahnadan da, toı-jıyndarda aıtylyp kele jatyr.
«Al endі solardyń mahabbatyn qaǵazǵa túsіrgen mende de kіná joq. Bul – taza adamdardan shyqqan taza mahabbattyń úlgіsі», - deıdі ol.
Tіlshі áıel qaýymy osy fılmnen keıіn Hanbıbі apamyzdyń áreketіn erlіkke balap jatqanyn, kóp áıel mundaı keńdіkke bara almaıtynyn jetkіzgen.
«Bul jerde men áıeldіkten górі aqyndyqty, ónerdі joǵary qoıdym. Abaı «Kóńіlge túrlі oı salar, jaqsy án men táttі kúı» demeı me? Bіz osy sózdіń qadіrіne álі jetpedіk. Jaqsy án oı saldy. Sondyqtan mátіnіn jazyp berýge týra keldі. Árıne, bul maǵan da ońaı boldy dep aıta almaımyn. Dese de, án aýǵa túsken balyqtaı, torǵa túsken qustaı bulqynyp turdy. Sebebі, sózі joq bolǵan soń shyqpaı tur. Sózіn jazyp bergenіm úshіn kіnálі emes shyǵarmyn», - deıdі Hanbıbі Esenqaraqyzy.