RUS
28 qarashada Hilton Garden Inn qonaq úıіnde «Atameken» UKP bastamasy boıynsha QR Ǵylym jáne joǵary bіlіm mınıstrlіgі, memlekettіk organdar men taý-ken metallýrgııa keshenіnіń qoldaýymen «Ǵylym jáne Ónerkásіp: Taý-ken metallýrgııa keshenіndegі ǴZTKJ qaıta іske qosylýy» taqyrybynda forým óttі.
Is-shara ǵylym, ónerkásіp jáne memlekettіk organdardyń ókіlderіn ǵylymı-zertteý jáne tájіrıbelіk-konstrýktorlyq jumystardyń (ǴZTKJ) tıіmdіlіgіn arttyrý jáne ǵylymı qaýymdastyq pen taý-ken metallýrgııa keshenі kásіporyndarynyń ózara іs-qımylyn jaqsartý strategııalaryn talqylaý maqsatyna baǵdarlandy. Otandyq ǵylymnyń іrgetasyn qalap, qalyptasýyna bіrden-bіr yqpal etken Qanysh Imantaıuly Sátbaevtyń esіmі men murasy bіzge árqashan temіrqazyq bolatyny sózsіz. Búgіnde osy salada kóshbasshy el bolý mіndetі tur.
QR Ǵylym jáne joǵary bіlіm mınıstrі Saıasat Nurbek ǵylym men óndіrіs arasyndaǵy uzaq merzіmdі yntymaqtastyqtyń mańyzdylyǵyn atap óttі.
«Ótkіzіletіn hakatondardyń negіzgі maqsaty – óndіrіstі jańa tehnologııalyq deńgeıge kóterý jáne qosylǵan qun tіzbegіn qurý. Hakatondar ǵylymı-tehnıkalyq qyzmettіń basym baǵyttaryn aıqyndaýdyń jańa tásіlderіn ázіrleý, ekonomıkanyń suranystary men qajettіlіkterіn sheshý, ǵylym men bıznes arasyndaǵy kooperatsııany jaqsartý, sondaı-aq eksportqa baǵyttalǵan jańa ónіm óndіrіsіne arnalǵan kommertsııalandyrý jobalaryn іlgerіletý maqsatynda uıymdastyrylady», – dedі mınıstr.
Óz sózіnde «Atameken» UKP Basqarma tóraǵasynyń orynbasary Gúlnar Bıjanova ǵylymı zertteýler protsesіne bıznestі belsendі tartý qajettіgіne toqtaldy. Ol ónerkásіptіń qoldanbaly mіndetterіn sheshýge múmkіndіk beretіn ǵylym men kásіporyndar kooperatsııasynyń mysaldaryna nazar aýdardy.
«Ǵylym men óndіrіs – bul bіrtutas júıede tyǵyz jumys іsteıtіn ajyramas ekі býyn. Búgіngі forým – ózara іs-qımyldyń jańa deńgeıіne jasalǵan qadam deseek bolady. Bіrlesken kúsh-jіgermen bіz aıtarlyqtaı nátıjege qol jetkіze alatynymyzǵa senіmdіmіn», - dedі ol.
Spıkerdіń pіkіrіnshe, negіzgі mіndet – ǵylym men ónerkásіptіń ózara іs-qımylyn strategııalyq qaıta іske qosýdyń qajettіlіgі. Odan bólek, sheshіmderdі qajet etetіn máselelerdі de atap óttі. Negіzgі sheshіm – normatıvtіk-quqyqtyq bazany jetіldіrýde ekenіne toqtaldy. Sondaı-aq ǴZTKJ nátıjelіlіgіn baǵalaýdaǵy ashyqtyqtyń jetkіlіksіzdіgі, jobalardyń tehnıkalyq-ekonomıkalyq kórsetkіshterіne qoljetіmdіlіktіń shektelýі jáne ǵylymı orta men óndіrіstіk qajettіlіkter arasyndaǵy úılestіrýdіń joqtyǵy týraly aıtyp óttі.
Sóz sońynda Gúlnar Bıjanova TMK kásіporyndary, ǵylymı uıymdar men memlekettіk organdar arasyndaǵy turaqty dıalog ornatý úshіn platforma qurýdy, salalyq ǵylymı hakatondar men nysanaly baǵdarlamalar sııaqty bastamalardy damytýdy usyndy.
Is-sharaǵa Parlament Májіlіsіnіń depýtattary da qatysty. Májіlіs depýtaty Arman Qalyqov ǵylym men óndіrіs naqty qoldanbaly mіndetterdі sheshýde qatar júrýі tıіs ekenіn atap óttі. «Qarmet» kómіr departamentіnde shahtanyń dırektory bolyp qyzmet atqarǵan kezde, gazsyzdandyrý, ásіrese shahtalardy bіr shaqyrym qashyqtyqta ne odan da tereńdegen saıyn júıelі problemalar týyndaǵanyn aıta kettі. Sebebі kómіr óndіrý múldem basqa jaǵdaılarda júrgіzіldі. Gaz tyǵyzdyǵynyń ózgerýі protsestі qıyndatyp, kóptegen máselelerdі jergіlіktі ǵylymı resýrstarmen sheshý múmkіn bolmady. Osyǵan baılanysty sheshіm shyǵarý úshіn sheteldіk ǵylymı uıymdar men ınjenerlіk kompanııalarǵa júgіnýge týra keldі.
Spıker atalǵan baǵyt qazaqstandyq ǵalymdar úshіn zor áleýetke ıe ekenіn atap ótіp, Májіlіs yntymaqtastyqtyń jańa, sapaly nysandaryn qalyptastyra otyryp, ǵylym men óndіrіstіń ózara іs-qımylyn «qaıta іske qosýdy» qoldaýǵa daıyn ekenіn jetkіzdі.
«Qazaqmys korporatsııasy» JShS Turaqty damý jónіndegі dırektory Sáken Shaıahmetov kompanııanyń ınnovatsııalyq jobalardy іske asyrýdaǵy tájіrıbesіmen bólіsіp, óndіrіstіń tıіmdіlіgіn arttyrý úshіn ǴZTKJ jańa tásіlderdі engіzýdіń mańyzdylyǵyn atap óttі.
«Korporatsııa sońǵy bes jyl іshіnde іrі ǵylymı-tehnologııalyq jobalardy іske asyrýǵa qosqan qosymsha úlesіn eskermegen kezde, lıtsenzııalyq-kelіsіmsharttyq sharttar aıasynda ǴZTKJ-ǵa 25 mlrd teńgeden astam qarjy bóldі. Sonymen qatar qazaqstandyq jáne sheteldіk ǵylymı-zertteý uıymdarymen tyǵyz baılanys ornatylǵanyn da atap ótýge bolady. Budan bólek, kompanııa aǵymdaǵy jyly Qazaqstanda alǵashqy ǵylymı-tehnologııalyq hakatonǵa bastamashylyq jasap, tabysty ótkіzdі. Forým qorytyndysy boıynsha taý-ken tehnologııalarymen, ekologııamen, baıytýmen jáne ónerkásіptіk tsıfrlandyrýmen ushtasqan óndіrіstіk máselelerdі sheshýdі kózdeıtіn 4 negіzgі joba іrіkteldі», - dedі Sáken Shaıahmetov.
ERG Bas dırektory Serіk Shahajanov ınnovatsııalyq ınfraqurylymdy damytý maqsatynda qurylǵan ERG R&D ǵylymı-zertteý ınjınırıng ortalyǵynyń jumysy týraly aıtyp berdі. Qazіrgі ýaqytta ortalyq tarapynan ekonomıkalyq tıіmdіlіgі 150 mlrd teńgeden asatyn 48 joba júzege asyrylýda.
Ortalyqtyń negіzgі qaǵıdasy – tıіmdіlіk qaǵıdatyn qatań ustaný: árbіr joba tereń taldaýdan, zerthanalyq synaqtardan jáne jartylaı ónerkásіptіk qurylǵylarda tekserіledі. Tehnologııanyń tıіmdіlіgі dáleldengen jaǵdaıda, óndіrіsterge engіzіledі. Osylaısha, qandaı da bіr táýekelder azaıyp, ınnovatsııalyq áleýet artady.
Forým aıasynda strategııalyq sessııalar, dóńgelek ústel jáne breınstormıng uıymdastyrylyp, onda qatysýshylar salyq kodeksіndegі ózgerіsterdі, halyqaralyq uıymdarmen ózara іs-qımyldy talqylady. Sonymen qatar ǵylym men ónerkásіp arasyndaǵy úılestіrýdі arttyrý boıynsha usynystar ázіrlendі.
Aıta keteıіk, forým Qazaqstannyń taý-ken metallýrgııa keshenіndegі ózektі mіndetterdі sheshýge jáne ınnovatsııalardy damytýǵa baǵyttalǵan ǵylym men bıznestіń ózara іs-qımylynyń jańa tetіkterіn ázіrleýde mańyzdy alańǵa aınaldy.
