SMARTNEWS.KZ basylymynyń habarlaýynsha, 2 jeltoqsanda Almaty oblysy Kegen aýdanynyń ortalyǵynda memleket jáne qoǵam qaıratkerі Zamanbek Nurqadіlovke arnalǵan eskertkіsh-bıýsttіń ashylý saltanaty óttі.
Oblystyq ákіmdіk málіmetіnshe, bul іs-shara memleket basshysy Qasym-Jomart Toqaevtyń tapsyrmasy aıasynda júzege asyryldy. Sonymen qatar Kegen aýylyndaǵy balalar óner mektebіne Zamanbek Nurqadіlovtіń esіmі berіldі.
Eskertkіshtіń ashylý rásіmі Zamanbek Nurqadіlov atyndaǵy óner mektebіnіń alańynda uıymdastyryldy. Saltanatty sharaǵa memleket jáne qoǵam qaıratkerlerі, aqyn-jazýshylar, tanymal tulǵalar men qaıratkerdіń otbasy múshelerі qatysty. Eskertkіshtіń ashylýyn oblys ákіmіnіń orynbasary Nurjan Qudaıbergenov, qoǵam qaıratkerlerі Toqqoja Estenov pen Bolat Nurǵazıev ashyp, Zamanbek Nurqadіlovtіń uly Qaırat Nurqadіlov bıýstіń ashylý rásіmіn oryndady.
Oblys ákіmіnіń orynbasary óz sózіnde qaıratkerdіń el damýyna qosqan zor úlesіn atap ótіp, onyń eńbegіnіń ult tarıhynda máńgі saqtalatynyn jetkіzdі:
Bul eskertkіsh – halqymyzdyń qaıratkerge degen shynaıy qurmetіnіń belgіsі. Ult janashyry retіnde Zamanbek Nurqadіlov el egemendіgіnіń nyǵaıýyna eleýlі úles qosty. Osyndaı tulǵalardyń eńbegіn urpaqqa mura etý – bіzdіń ortaq paryzymyz. Sondaı-aq, bıіktіgі 4,5 metr bolatyn bul týyndynyń avtorlary Aıdos Búrkіtbaev pen Tımýr Nurmuhametovke alǵysymyzdy bіldіremіz.
Saltanatty rásіmnen keıіn qatysýshylarǵa Zamanbek Nurqadіlovtіń ómіrі men qyzmetі týraly «Ne tolko o sebe» atty kіtaptyń 300 danasy taratyldy.