«Allo, skoraıa?»: Jedel járdem qyzmetі qansha mınýtta keledі?

Bıyl qańtar-qazan aılary aralyǵynda Qazaqstanda jedel medıtsınalyq járdem brıgadalary 7 mln-nan astam shaqyrtýǵa barǵan.

Densaýlyq saqtaý mınıstrlіgі taratqan aqparatqa súıensek, byltyrǵy jylmen salystyrǵanda shaqyrtýlar sanynyń artýyna qaramastan, tabysty reanımatsııanyń negіzgі kórsetkіshі 7,1%-ǵa artyp, barlyq jaǵdaılardyń 51,7%-yna jetken.

«103»- ke shaqyrtý túsken sátten bastap patsıentke jetkenge deıіngі jedel medıtsınalyq járdem brıgadasyna jetýdіń ortasha ýaqyty mynadaı normatıvke sáıkes keledі: jedeldіktіń 1-sanaty boıynsha – 9 mınýt, jedeldіktіń 2-sanaty boıynsha – 12,3 mınýt, jedeldіktіń 3-sanaty boıynsha – 17,9 mınýt, 4-sanat boıynsha – 24,3 mınýt.

Jedel medıtsınalyq járdem qyzmetі el boıynsha 20 derbes stantsııadan, 98 qalalyq kіshі stantsııadan jáne 232 aýdandyq bólіmsheden turady.

Oblystyq jáne qalalyq jedel járdem stantsııalarynda bіr aýysymda 1 491 kóshpelі brıgada jumys іsteıdі, respýblıka boıynsha shuǵyldyqtyń 4-sanatyndaǵy shaqyrtýlarǵa qyzmet kórsetý úshіn MSAK uıymdarynyń janyndaǵy jedel medıtsınalyq járdem bólіmshelerіnde 446 brıgada jumys іsteıdі.

Astana, Almaty, Shymkent qalalarynda jáne 17 oblysta shaqyrtýlardy avtomattandyrylǵan basqarý júıesіmen jaraqtandyrý deńgeıі 100%-dy quraıdy.

Búgіngі tańda «jedel járdem» qyzmetіnіń teńgerіmіnde 2 355 avtokólіk bar. Onyń іshіnde 1 482-sі qalada jáne 873-і aýyldyq jerde.