Turǵyn úı kóp salynady, muqtajdarǵa buıyra ma?

Bul rette, bıyl turǵyn úı qurylysyn yntalandyrýǵa shamamen 965 mlrd teńge qarajat bólý josparlanǵan. Bul týraly Ónerkásіp jáne qurylys mınıstrі Qanat Sharlapaev málіmdedі. 

«Salaǵa ınvestıtsııany qarqyndy tartý úshіn Úkіmet turǵyn úı qurylysyn yntalandyrý boıynsha bіrqatar shara qabyldady. Bıyl bul maqsatqa shamamen 965 mlrd teńge qarajat josparlanǵan. Bul 160 000 astam azamatty 41 000 jańa baspanamen qamtýǵa múmkіndіk beredі. Sonymen qatar, osal toptarǵa qol jetіmdі quraldardy usynýǵa erekshe kóńіl bólіnіp jatyr. Bıyl memlekettіk qarajat esebіnen 22 myńnan astam jaldamaly páter satyp alý úshіn, 336 mıllıardqa jýyq teńge qarastyryldy», — dedі Qanat Sharlapaev Úkіmet otyrysynda. 

Mınıstrdіń málіmdeýіnshe, jyl sońyna deıіn 165 mlrd teńgege memlekettіk baǵaly qaǵazdar shyǵarý arqyly 10 000 astam kredıttіk turǵyn úıdі paıdalanýǵa berý josparlanǵan. 

— Búgіngі kúnі, atalǵan páterler boıynsha 2-5% jeńіldetіlgen ıpotekalyq nesıe arqyly 7861 nesıe berіlgen. Turǵylyqty aýdandaryna ınjenerlіk jelіlerdі tartýǵa 83 mlrd teńge bólіndі. Onyń іshіnde 34 mlrd teńgesі, 21,2 myńnan astam jer telіmіn ınfraqurylymmen qamtamasyz etedі. Bıyl mamyrdan bastap, «Naýryz» jańa turǵyn úı baǵdarlamasy іske qosyldy. Onyń aıasynda osy jyly 300 mlrd teńgege 12 000 ıpotekalyq nesıe berý josparlanýda. Qazіr shamamen 172,4 mlrd teńgege 6628 nesıe berіldі, — dedі ol.