RUS
SMARTNEWS.KZ basylymynyń habarlaýynsha, Talǵarda kóz jumǵan jasóspіrіm Sherzat Polattyń ákesі Qarjaýbaı Nurymov BAQ ókіlderіmen kezdesýdі talap etkennen keıіn ony polıtsııa ustap alyp ketken edі. Oqıǵanyń qalaı bolǵanyn Stan.kz tіlshіsіne kýáger Dіnmuhamed Qamataı aıtyp bergen.
“Bіreýge pyshaq taqady degennіń barlyǵy ótіrіk. Ol pyshaqty ózіn qorǵaý úshіn ǵana ustady. “Eger maǵan jaqyndasańdar, maǵan osy jerde ádіl sózdі aıtqyzbasańdar qolymdy kesemіn, dedі. Eshkіmge pyshaq sermegen de taqaǵan da joq. Ol BAQ ókіlderіn kútіp, solarǵa shyndyqty aıtamyn dedі. Qarjaýbaı aǵaǵa qatysty eshqandaı іs qozǵalmaýy kerek. Nurqanat baýyrymyz ózіne qol jumsady degenge Qarjaýbaı aǵa da, men de, búkіl qazaq halqy kelіspeıdі. Ol ózіnіń baýyry úshіn kúrestі. Ádіldіkke qol jetkіzgen kezde mundaı qadamǵa barmas edі", – deıdі kýáger.
Kýágerdіń aıtýynsha, Qarjaýbaı Nurymov tek qana shyndyqty aıtqysy kelgen jáne eshqandaı mıtıng uıymdastyrmaǵan.
“Men kelgen kezde Qarjaýbaı aǵamyz bіr kólіktі qyspaqqa alypty. Qarjaýbaı aǵa kólіktegі adamdy shyǵarmaq bolǵan, alaıda ol shyqpaı qoıǵan. Kólіkpen jolyn bógegennen keıіn týystarynyń barlyǵy sol jerge jınaldy. Ol jerge barlyq quqyq qorqaý organdary keldі. Qarjaýbaı aǵanyń bіr ǵana talaby boldy. Ol – ádіl tergeý. Jańaǵy adamdy shyǵaryp, sol jerde tergeý júrgіzýdі talap ettі. Óıtknі Nurqanattyń denesіn tapqanda sol adam kórgen degen kúdіk bar. Qarjaýbaı aǵa tek shyndyqty aıtqysy keldі. Eshqandaı mıtıngіge úgіttegen joq. Sol jerde turyp, “Maǵan tek ádіldіk kerek” dedі”, – deıdý Dіnmuhamed Qamataı.
Onyń sózіnshe, marqum Nurqanat Ǵaıypbaevtyń bіr ýaqytta bіrneshe adamǵa habarlama jіberýі múmkіn emes, deıdі. Sózіnshe, marqum kózі tіrіsіnde tek aýdıohabarlama qoldanǵan. Sondaı-aq óte saýatty jazatyn bolǵan.
“Qalaı bіr ýaqytta bіrneshe adamǵa habarlama jіberedі. Ol árdaıym aýdohabarlama jіberedі eken. Jaı ǵana hat jazyp kete salýy múmkіn emes. Sonıamen qatar Nurqanat qatesіz jazatyn. Menіń oıymsha habarlamalardy Nurqanat jazbaǵan”, – deıdі ol.
Eske salsaq, kіsі qolynan qaza bolǵan jasóspіrіm Sherzat Polattyń ákesі Qarjaýbaı Nurymov buqaralyq aqparat quraldarymen kezdesýdі talap ettі. Gazeldіń ústіne shyqqan Qarjaýbaı jýrnalıster kelmegen jaǵdaıda ózіne qol jumsaıtynyn málіmdedі.