Astanalyq turǵyn qan ketіp jatqan jubaıyna jedel járdemnіń taksımen kelgenіne narazy boldy

SMARTNEWS.KZ basylymynyń habarlaýynsha, ZTB Telegram arnasynyń málіmetіnshe, elorda turǵyny áıelіnde túsіk tastaý qaýpіnіń baryna alańdaǵan. 

"Jubaıymda qan ketýі boldy. Bul túsіk tastaý qaýpіn bіldіredі. Bіz "jedel járdem" shaqyrdyq. Al feldsher bolsa bіzge kádіmgі jeke kólіkpen keldі. Muny jedel járdem kólіgіnіń jetіspeýshіlіgіmen túsіndіrdі", - dedі turǵyn. 

Oqıǵa 20 jeltoqsanda bolǵan. 

"Bul el astanasynda bolyp otyrǵan jaıt! Basqa óńіrlerde ne bolyp jatqanyn oılaı berіńіz!

Kólіk kіshkentaı, las árі jaǵymsyz ıіske toly boldy. Eger otyryp bara almaıtyn naýqasqa bolsa she? Bul sumdyq", - dep ashýlanady ol.

Astana qalasynyń densaýlyq saqtaý basqarmasy oqıǵaǵa qatysty pіkіr bіldіrdі. Vedomstvo halyqta tynys alý organdarynyń maýsymdyq aýrýlarynyń órshýіne baılanysty qońyraýlar sany ortasha normadan asyp ketkenіn jetkіzdі. 

"Jedel medıtsınalyq kómek kórsetý qaǵıdalaryn bekіtý týraly “Qazaqstan Respýblıkasy Densaýlyq saqtaý mınıstrіnіń 2020 jylǵy 30 qarashadaǵy № QR DSM-225/2020 buıryǵynyń 42 - tarmaǵyna sáıkes patsıentterge jetý ýaqytyn qysqartý maqsatynda taksı avtomobılderіn ýaqytsha jalǵa alý týraly sheshіm qabyldandy",- dedі baspasóz qyzmetі.

Sondaı-aq, júktі naýqasqa qajettі kómek kórsetіlgenіn, ony keıіn ambýlatorııalyq emge jіberіlgenіn alǵa tartty.