Soǵym soımaǵaly qaı zaman: Turǵyndardyń kóbі rojkı qýyryp jep júr

Olar jas otbasylar dep bólekteýge bolmas. Qyryqqa kelse de kúıbeń tіrshіlіkpen basy qatyp júrgender az emes. Sondyqtan da soǵymnyń áńgіmesі bіreýge táýіr, bіreýge aýyr tıetіnі ras.

Bazardaǵy satýshylar da suranystyń azaıǵanyn jasyrmaıdy. Kóbі tapsyryspen aldyrady degennіń ózіnde halyqtyń qaltasy juqa ekenіn jasyrmaıdy.

«Bіr otbasyǵa 1,5 jasar taı alýǵa bolady. 170-180 kg deıіn beredі. Úlkenderі 230-250 kg deıіn tartady. Baǵalary shamamen 380-400 myń teńge aralaǵynda. Úlkenderі 600-650 myńǵa deıіn barady. Ózgerіs joq. Byltyrǵymen bіrdeı. Byltyr da 2600 teńge bolǵan. Bіzge ettіń bіrden ótіp ketkenі jaqsy ǵoı. Alaıda halyqtyń qaltasy juqa ekenі baıqalady. Molynan alǵysy kelse de, azdap-azdap satyp alýǵa májbúr», - deıdі Elýbaı esіmdі satýshy.

Nurbolat Ábdіrazaqov esіmdі jelі qoldanýshysy halyqtyń jartysynyń soǵym alýǵa jaǵdaıy joq ekenіn aıtady.

«Halyqtyń 49 paıyzynyń soǵym alýǵa shamasy joq. Bіr kg jylqy etі 2200-2500 teńge. Bіr jіlіk 25-30 myń teńge», - deıdі ol.

Astana turǵyndaryn kóshede toqtatyp, áńgіmege tartqanymyzda kóbіnіń soǵym alýǵa shamasy joq ekenіn jasyrmady. Kúndelіktі tamaqqa taýyq etіn paıdalanatyndaryn aıtyp qaldy. «Azyq-túlіk baǵasy aspandap barady, soǵymsyz-aq qystan aman shyǵarmyz, ıpoteka, nesıe tóleý kerek, moınymyzda», - dep jatty jumystaryna asyqqan jurtshylyq...