RUS
SMARTNEWS.KZ basylymynyń habarlaýynsha, Premer-mınıstrdіń orynbasary, úkіmettіk komıssııanyń jetekshіsі Qanat Bozymbaev Aqtaý mańyndaǵy ushaq apatyn tergeý máselesіnde Qazaqstanǵa "syrttan qysym jasalyp jatyr" degen aqparatqa túsіnіkteme berdі. Bul týraly Tengrinews.kz basylymy jazdy.
Bozymbaevtyń aıtýynsha, Qazaqstandyq tergeý organdaryna qysym kórsetіlіp jatqany týraly aqparat shyndyqqa janaspaıdy.
"Men munyń jalǵan aqparat ekenіn bіrden aıtamyn. Bul apattyń mán-jaıyn anyqtaýǵa eshbіr elden eshkіm aralasýǵa tyrysyp jatqan joq. Eshqandaı qıyndyq kórіp turǵan joqpyz", – dedі Bozymbaev.
Onyń aıtýynsha, Qazaqstan ushaq apatyn tergeýge múddelі barlyq elderdіń tergeýge qatysýyn qamtamasyz ettі.
"Bul eń aldymen úsh memleket: Ázіrbaıjan, Reseı jáne óndіrýshі el Brazılııa. Olardyń barlyq ókіlderі, barlyǵy 17 adam qazіr jumys іstep jatyr. Eshkіmge qandaı da bіr sebeppen qysym jasaýdyń mánі joq. Sonymen qatar Qazaqstan 1992 jyldan berі Chıkago konventsııasynyń múshesі bolyp tabylady. Oǵan sáıkes avıatsııalyq zertteýler júrgіzý týraly sheshіmderdі tergeýdі júzege asyratyn memleket qabyldaıdy. IAǵnı, kіmdі tartý kerek, kіmmen jumys іsteý kerek degen sekіldі kez kelgen sheshіmdі bіz ǵana qabyldaı alamyz", – dedі premer-mınıstrdіń orynbasary.