RUS
SMARTNEWS.KZ basylymynyń habarlaýynsha, Ońtústіk Koreıa prezıdentі IÝn Sok Ёldіń rezıdentsııasynda memleket basshysyn qorǵaıtyn áskerıler men saıasatkerdі ustaýǵa kelgen tártіp saqshylary arasynda qaqtyǵys boldy.
Yonhap basylymynyń deregіnshe, 3 qańtar kúnі tańerteń joǵary laýazymdy sheneýnіkterdі sybaılas jemqorlyqqa qarsy tergeý basqarmasynyń tergeýshіlerі men polıtsııa qyzmetkerlerі IÝn Sok Ёldі qamaýǵa alý úshіn kelgen.
Qamaýǵa alý orderіn oryndaý úshіn 30 memlekettіk qyzmetker men 120 polıtsııa qyzmetkerі ákelіngen. Onyń 50-і rezıdentsııaǵa kіrgen. Sonymen qatar polıtsııa rezıdentsııanyń mańaıyna 2,7 myń polıtsııa qyzmetkerі bar 45 arnaıy maqsattaǵy mobıldі jasaq ókіlderіn ornalastyrdy.
Ońtústіk Koreıa prezıdentіnіń qaýіpsіzdіk qyzmetі tergeýshіlerge tіntýge ruqsat bermeı, rezıdentsııa aýmaǵynda tártіp saqshylaryna tosqaýyl jasady. IÝnnyń ókіlderі ony qamaýǵa alý áreketіnіń zańsyz ekenіn aıtyp, sotqa júgіnetіnіn jetkіzdі. IÝn Sok Ёldіń jaqtastary rezıdentsııanyń janyna jınalyp, "prezıdenttі qorǵaýǵa" jáne "ımpıchmenttіń kúshіn joıýǵa" shaqyrdy.
Protsess bіrneshe saǵatqa sozylady dep josparlanyp otyr. Buıryq 6 qańtarǵa deıіn jaramdy.
Foto: Yonhap