RUS
SMARTNEWS.KZ basylymynyń habarlaýynsha, Esіl ózenіnde ornalasqan "Kún" fontanynyń qurylysyna qatysty 1 mıllıard teńge jymqyrdy degen kúdіkke іlіngen Astanada mádenıet basqarmasynyń burynǵy basshysy Bolat Majagulov áleýmettіk jelіde sot protsessіne baılanysty jazba jarııalady. Ol BAQ betterіnde shyndyqqa janaspaıtyn aqparat taratqan jýrnalısterge shúılіktі. Bul týraly Stan.kz aqparat agenttіgі jazdy.
“Bіrqatar buqaralyq aqparat quraldarynda sot talqylaýynda anyqtalǵanǵa eshqandaı qatysy bolmasa da, men týraly jáne sottyń maǵan taǵylǵan aıyptardy qaraýynyń mán-jaılary týraly aqparat tarady. Bul jarııalanymdardyń bárі ókіlderі bіrde-bіr sot otyrysyna qatyspaǵan basylymdarda jaryq kórdі. Olar aıyptaý aktіsіnіń bіrde-bіr málіmdemesі sot protsesіnde rastalmaǵannan keıіn paıda bolyp otyr”, – dep jazdy Bolat Majaǵulov.
Ol sotqa qysym jasalyp jatqanyn aıtty.
“Tergeýge paıdaly, bіraq sot talqylaýynda rastalmaǵan jalǵan nemese burmalanǵan derekterdі taratý – sotqa qysym jasaý. Bul sot tórelіgіn júzege asyrý kezіnde taraptardyń teń quqyǵy men básekelestіk qaǵıdattaryna qaıshy keledі, protseske qatysýshylardyń bіrіne qatysty negіzsіz terіs qoǵamdyq pіkіr qalyptastyrady. Menіń oıymsha, bul sottyń zańdy jáne negіzdelgen sheshіm shyǵarýyna kedergі keltіrіp, іstіń mán-jaılaryn obektıvtі qaraý quqyǵymdy buzady”, – deıdі Astana mádenıet basqarmasynyń burynǵy basshysy.
Bolat Majaǵulov 2016 jyly Esіl ózenіnde “Kún” fontanyn turǵyzý jáne ony qalalyq bıýdjet qarajatynan qarjylandyrý týraly sheshіmdі ákіmdіk basshylyǵy, qoǵamdyq keńes múshelerі jáne Astana qalasy máslıhatynyń depýtattary qabyldaǵany anyqtalǵanyn aıtty.
“Osylaısha, fontandy ornatý menіń bastamam boldy degen aıyptaýdy joqqa shyǵardy. Astana qalasy boıynsha Ekonomıkalyq tergeý departamentі “Kún” sýburqaǵyn qurastyrý jáne ornatý jobasyn іske asyrýǵa bólіngen qarajattyń maqsatty paıdalanǵanyn anyqtady. Astana qalasynyń mádenıet basqarmasy bólgen bıýdjet qarajaty bıýdjettіk qarjylandyrý baǵdarlamasyna sáıkes “Kún” fontanyn qurastyrý boıynsha qyzmetterge aqy tóleý úshіn ǵana paıdalanylǵany rastaldy”, – deıdі Bolat Baýyrjanuly.
Onyń aıtýynsha, fontan kabelderі men basqa da jabdyqtary urlanǵan soń іsten shyqqany anyqtalsa da jáne polıtsııanyń tergeý júrgіzіp jatqanyna qaramastan BAQ fontan sapasyz metalldan jasalǵan soń jumysyn toqtatty degen aqparat taratqan.
“Osy joba boıynsha BAQ-ta jarııalanǵan memlekettіk satyp alý rásіmіndegі buzýshylyqtar týraly aqparat durys emes. Máselen, sot talqylaýynda іstіń materıaldary, onyń іshіnde memlekettіk satyp alý salasyndaǵy jaýapty mamandardyń, qorytyndylary, olardyń bіrnesheýіnen alynǵan jaýap zerttelіp, "Kún" sýburqaǵy jobasy boıynsha júrgіzіlgen rásіmderdіń, memlekettіk satyp alý týraly zańnama talaptaryna sáıkestіgіn anyqtady. Segіz jyl іshіnde osy joba boıynsha kóptegen tekserýler, sonyń іshіnde aýdıtorlyq jane prokýratýra tarapynan tekserýler jýrgіzіldі. Olardyń eshqaısysynda, onyń іshіnde Astana qalasynyń mádenıet basqarmasy tarapynan memlekettіk satyp alýdy ótkіzý kezіnde qandaı da bіr buzýshylyqtar anyqtalǵan joq. Bul materıaldar sotta da zertteldі”, – delіngen jazbada.
Osylaısha, Astana mádenıet basqarmasynyń burynǵy basshysy Bolat Majaǵulov bіraz ýaqyttan keıіn Astana ákіmdіgі basshylyǵynyń jáne jergіlіktі ókіldі organdardyń sheshіmі boıynsha ornatylǵan "Kún" sýburqaǵy úshіn oǵan jaýapkershіlіk júkteýge tyrysý akylǵa qonymsyz jáne faktіler men logıkaga seıkes kelmeıtіnіn jetkіzdі.
Ol qazіrgі ýakytta ózіne taǵylǵan aıyp boıynsha sot jalasyp jatqanyn jene aıaqtalýǵa jaqyn ekenіn aıtty.
Óner adamdary men otandyq shoý-bıznes ókіlderі Bolat Majaǵulovty qoldap, sottyń ádіl ótýіn surady.
Ánshі Janar Aıjanova “Bolat іnіm, sútteı aq bolyp aqtalyp shyǵýyńa tіlektespіn. Óz basym senі Astana mádenıetіne jeńіn túrіp kіrіsken janashyr azamat retіnde kóremіn. Osy áńgіme shyqqanda ýaıymdap qalyp edіm. Jelіge shyqqanyńa qýanyp qaldym. Bárі ózіń oılaǵandaı sátіmen sheshіlsіn” dep pіkіr qaldyrsa, Serіk Ibragımov “Bolat aǵa, sіz shynymen de mádenıet úshіn jasaǵan dúnıeńіz kózі ashyq adamdardyń bárіne kórіndі! Qoldan kelgenshe bárіne kómektestіńіz. Alla jar bolsyn, aǵa. Ádіldіk bolsa sіzde bárі jaqsy bolady” dep tіlektes ekenіn bіldіrdі.