RUS
SMARTNEWS.KZ basylymynyń habarlaýynsha, Astana polıtsııasy polıtsııa qyzmetkerlerіnіń júrgіzýshіge dórekі sóılegenі estіletіn vıdeo jarııalanǵannan keıіn tekserіs bastady.
Telegram-daǵy Zhest_kz arnasynda astanalyq polıtseılerdіń júrgіzýshіnі VIP kortej jolynan "qýyp jatqany" túsіrіlgen vıdeo jarııalandy.
"Astanada júrgіzýshі qozǵalys jabylǵan kóshege shyǵyp kettі, ol jerden VIP kortej ótedі dep kútіlgen. Vıedoda abdyrap qalǵan kólіk ıesіn patrýldіk kólіkterdіń qalaı qorshaýǵa alǵanyn kórýge bolady, al daýys ulǵaıtqyshtan: "Kerі buryl, aqymaq!" degen buıryq estіledі", - dep jazylǵan vıdeo sıpattamasynda.
NUR.KZ saıty túsіnіkteme alý úshіn Astana polıtsııa departamentіnіń baspasóz qyzmetіne habarlasty.
"Jolda júrý erejelerіne sáıkes, kók tústі jarqyldaq maıagі іske qosylǵan jáne arnaýly dybystyq sıgnaly bar kólіk quraldary jaqyndaǵan kezde júrgіzýshіler jol berýge mіndettі. Bul arnaıy kólіkter men іlespe avtomobılderdіń kedergіsіz ótýіn qamtamasyz etý úshіn qajet.
Degenmen polıtseılerdіń jol júrý erejesіn buzǵan júrgіzýshіge dórekі sóıleý faktіsі boıynsha qyzmettіk tekserý júrgіzіledі", - delіngen baspasóz qyzmetіnіń jaýabynda.
Qazaqstan Respýblıkasynyń Jol júrý qaǵıdalarynyń 6-taraýyna sáıkes, kók jáne qyzyl tústі jarqyldaq maıagі іske qosylǵan jáne arnaýly dybystyq sıgnaly bar kólіk quraldary jaqyndaǵan kezde júrgіzýshіler osy jáne olardyń іlesіp júrýіndegі basqa kólіk quraldarynyń kedergіsіz ótіp ketýіn qamtamasyz etý úshіn joldy bosatady .
Erejede qozǵalysqa basqa qatysýshylardyń aldynda basymdyq alýy úshіn mundaı kólіk quraldarynyń júrgіzýshіlerі kók jáne (nemese) qyzyl tústі jarqyldaýyq maıak pen arnaýly dybystyq sıgnaldy іske qosýǵa tıіs ekenі aıtylǵan. Olar ózderіne jol berіlgendіgіne kóz jetkіzgennen keıіn ǵana basymdyqty paıdalana alady.
"Kók jáne (nemese) qyzyl tústі jarqyldaq maıagі іske qosýly toqtap turǵan kólіk quraldaryna jaqyndaǵan kezde júrgіzýshі qajet bolǵan jaǵdaıda dereý toqtatýǵa múmkіndіk bolýy úshіn jyldamdyqty azaıtady", - delіngen Jol qozǵalysy erejelerіnde.