RUS
SMARTNEWS.KZ basylymynyń habarlaýynsha, Qostanaı oblysy Jіtіqara aýdandyq sotynda 5 balasy órtenіp ketken anaǵa qatysty qylmystyq іs qaraldy.
Aýdandyq sotta Qylmystyq kodekstіń “Abaısyzda 5 balanyń ólіmіne ákep soqtyrǵan órt qaýіpsіzdіgі talaptaryn buzý” baby boıynsha aıyptalýshyǵa qatysty qylmystyq іs qaraldy.
"Sottalýshy balalaryn qaraýsyz qaldyrdyp, úlken ulyna úıdіń іshі salqyndaǵan jaǵdaıda peshke ot salýdy tapsyrǵan. Uly peshte otyn, kómіr jáne turmystyq qoqystardy jaǵady, sondaı-aq pesh janynda belgіsіz suıyqtyqpen jatqan plastıkalyq bótelkenі otqa salady. Nátıjesіnde peshtegі jalynnyń janyp, órtke aınalýyna sebep boldy. Órt saldarynan bes bala qaıtys boldy. Sottalýshynyń kіnásі onyń moıyndaý aıǵaqtarymen, kýágerlerdіń aıǵaqtarymen, oqıǵa bolǵan jerdі tekserý hattamasymen jáne sot saraptamalarynyń qorytyndylarymen dáleldendі", — delіngen Jetіqara aýdandyq sotynyń habarlamasynda.
Sottalýshy óz kіnásіn tolyq moıyndap, іstegen іsіne ókіnіsh bіldіrіp, bas bostandyǵynan aıyrmaýdy ótіngen.
Sot sheshіmіmen aıyptalýshyǵa 5 jylǵa bas bostandyǵynan aıyrý jazasy taǵaıyndaldy. Áıeldіń jas balasynyń bolýyna baılanysty jazany oryndaý keıіnge qaldyryldy.
Úkіm zańdy kúshіne engen joq.