RUS
SMARTNEWS.KZ basylymynyń habarlaýynsha, byltyrǵy jyldyń 9 qyrkúıegіnde Qazaqstanda býkmekerlіk keńseler men býkmekerlіk dúkenderdіń syrtqy jarnamasyna tyıym salatyn zań kúshіne endі. Zań kúshіne engenge deıіn Astana qalasy ákіmdіgіnіń «Astana-Jarnama» memlekettіk mekemesі jarnamalyq qurylymdardyń ıelerіne túsіndіrý jumystaryn júrgіzdі.
Elorda ákіmdіgіnіń málіmetіnshe, osy sharalardyń arqasynda elordada zań kúshіne engenge deıіn býkmekerlіk keńselerge arnalǵan jarnamasy bar 290-nan astam nysan joıyldy.
«Astana-Jarnama» syrtqy jarnamalardy baqylaýdy jalǵastyrýda. Aýdan ákіmdіkterіmen bіrlese otyryp, kásіpkerlerge zań talaptaryn túsіndіrýge baǵyttalǵan іs-sharalar turaqty ótkіzіlіp turady. Buzýshylyqtar anyqtalsa, zańsyz jarnama joıylyp, ony taratýshylar ákіmshіlіk jaýapkershіlіkke tartylady.
Kásіpkerlerge turaqty túrde túsіndіrý júrgіzіlіp, zań talaptaryn saqtaý qajettіgі týraly kіtapshalar shyǵarylýda, - delіngen málіmette.
Zańǵa sáıkes, býkmekerlіk keńselerdі ǵımarattyń qasbetterіne, ashyq alańqaılarǵa, kólіkterge jáne syrtqy qurylystarǵa jarnamalaýǵa tyıym salynady. Jarnamaǵa tek býkmekerlіk keńselerde, sport ǵımarattarynda jáne sporttyq jabdyqtarda ǵana ruqsat etіledі. Býkmekerlіk kompanııalardyń logotıpterі men saýda belgіlerіn bıznestіń basqa túrlerіn jarnamalaýda paıdalanýǵa da tyıym salynady.
ÁQBtK-nіń 455-babyna sáıkes, zańdy buzǵany úshіn 236 myńnan 1,5 mıllıon teńgege deıіn aıyppul salynady.