RUS
SMARTNEWS.KZ basylymynyń habarlaýynsha, QR Oqý-aǵartý mınıstrlіgіnіń Y.Altynsarın atyndaǵy Ulttyq bіlіm akademııasy Big Tech ekі jetekshі kompanııasy Google for Education jáne Microsoft-pen memorandýmǵa qol qoıdy.
Serіktestіk bіlіm sapasyn arttyrýǵa baǵyttalǵan ınnovatsııalyq sheshіmderdі engіzýge jańa múmkіndіkter beredі. Atap aıtqanda, Google for Education-pen pedagogter jumysyn ońtaılandyrý, qazaqstandyq oqýshylardyń tsıfrlyq múmkіndіkterіn keńeıtýge baǵyttalǵan oqý protsesіn uıymdastyrý úshіn ozyq quraldardy paıdalaný josparlanýda. Al Microsoft-pen yntymaqtastyq bultty tehnologııalardy ázіrleý men engіzýdі, sonymen qatar muǵalіmder men oqýshylardyń tsıfrlyq saýattylyǵyn arttyrýdy kózdeıdі.
«Irі tehnologııalyq kompanııalar keńselerіmen memorandýmǵa otyrý bіlіm berý júıesіn tsıfrlyq transformatsııalaýdaǵy mańyzdy qadam bolyp tabylady. Osy árіptestіk aıasynda bіlіm berý salasynda jasandy ıntellektіnі etıkalyq jáne jaýapkershіlіkpen paıdalanýǵa basa mán berіledі, bul – qazіrgі zamanaýı tehnologııalardy oqý protsesіne ıntegratsııalaýda joǵary mánge ıe», — dep atap óttі Altynsarın akademııasynyń vıtse-prezıdentі Azamat Jumahmet.
Esterіńіzge salar bolsaq, ótken jyldyń qańtarynda Oqý-aǵartý mınıstrі Ǵanı Beısembaev kompanııa ókіlderіmen kezdesіp, taraptar odan árі yntymaqtastyq týraly kelіsіmge kelgen bolatyn. Al odan bіr jyl buryn Altynsarın akademııasy Soltústіk Qazaqstan oblysynda shaǵyn jınaqty mektepterdіń áleýetіn damytý boıynsha Microsoft kompanııasymen bіrlesken jobany іske asyrǵan edі.