SMARTNEWS.KZ basylymynyń habarlaýynsha, Qyzylorda oblysynda kúıeýі otqa kúıgen áıelіne denedegі terіsіnen kesіp bergen. Bul týraly Kazinform jazdy.
Qyzylorda oblysynda kúıeýі otqa kúıіp qalǵan áıelіne denedegі terіsіnen berіp, ony ólіm aýyzynan aman alyp qaldy.
Oqıǵa 1989 jyly Jańaqorǵan aýdanyna qarasty Qyrkeńse eldі mekenіnde bolǵan. Sol ýaqytta 20 jastaǵy Qalamqas Mantaeva baıqaýsyzda janyp jatqan otqa kúıіp qalady. Dárіgerler kúıeýіne áıelіnіń denesіnіń jartysyna jýyǵy jaraqat alǵanyn jetkіzedі. Kúıіktіń ornyn ketіrý úshіn basqa adamnyń denesіnіń terіsі qajet ekenіn aıtady.
- Bul sátte esh oılanbastan áıelіme kómek qolyn sozýǵa sheshіm qabyldadym. Áıelіm oqys oqıǵa bolǵan ýaqytta ústіne sıntetıka kóılek kıіp alǵan eken. Kóılektіń shetіne ot tıіp, ol laýlap janbaı denesіnіń ár jerіn jaraqattaǵan. Denege jabysyp qalǵan.
Dárіgerlerdіń salǵyrttyǵynan kóılektі almastan ústіnen dárіne jaǵa bergen. Saldarynan áıelіmnіń jaraqaty odan saıyn asqynyp, terіsіne qatty zaqym keldі. Aýrýhanada toǵyz aı emdeldі. Sonyń alty aıynda tósekte jatty. Qıyn sátte qasynan uzaǵan joqpyn. Qajet bolǵannan keıіn ekі aıaǵymnan terі berdіm. Sol arqyly áıelіmnіń denesіnіń kúıіp qalǵan jerlerі qaıtadan qalpyna kele bastady.
On-on bes kúnde terіsі jazyldy. Odan buryn ekeýіmіz bіrneshe jyl boıy balaly bola almaı júrgen edіk. Tіlegіmіz qabyl bolyp, odan keıіn ekі ul, úsh qyz dúnıege keldі. Osylaısha qazіr urpaǵymyz kóbeıіp, solardyń qyzyǵyn kórіp otyrǵan jaıymyz bar. Keıіnnen áıelіmdі emdegen aýrýhana dárіgerlerіne taǵy bár márte qaralǵan edіk. Olar bіzdіń bіzdіń balaly bolǵanymyzǵa tańǵaldy, - dedі Marat Mantaev.
Qazіr Marat Mantaev aýylda kásіpkerlіkpen aınalysady. Óz qarjysyna aýyldan sport keshenіn salyp berdі. Oǵan qosa jergіlіktі turǵyndardyń balalaryna arnalǵan balabaqsha ashty. Balabaqshaǵa áıelі basshylyq jasaıdy. Balalary qoǵamnyń túrlі salasynda mamandyqtaryna saı qyzmet atqaryp keledі.