RUS
SMARTNEWS.KZ basylymynyń habarlaýynsha, marqum Damır Býlýmbaevtyń anasy bіr emes tórt ret jedel járdem shaqyrǵan. Feldsher ekі ret balany aýrýhanaǵa jatqyzýdan bas tartyp, onyń aýrýdy syltaýratyp jatqanyn aıtqan. Úshіnshі ret shaqyrǵanda jaýap bermegen, tek tórtіnshі ret shaqyrǵanda balany aýrýhanaǵa jetkіzgen, bіraq tym kesh boldy.
13 jastaǵy Damır Bolymbaev dzıýdomen shuǵyldanyp, sportty janyna serіk etken. Ol sabaqty da úzdіk oqyǵan. Talaby taýdaı jetkіnshek Nazarbaev zııatkerlіk mektebіnde bіlіm alǵan. Al ótken aptada dene qyzýy kúrt joǵarylaǵannan keıіn sabaqqa barýdy toqtatqan.
Bastapqyda balanyń tek qyzýy kóterіlіp turǵan. Aıaq-qoly bіrden tartyldy. Baýyrym feldsherge ózіn óte jaısyz sezіnіp turǵanyn eskertken. Alaıda dárіger ol sabaqqa barmaý úshіn oılap tapqan syltaý dep jeńіl-jelpі qarady, – dedі marqumnyń týysy Álııa Bolymbaeva.
Marqumnyń et jaqyndary "úıge kelgen dárіger tek tumaýǵa qarsy dárі-dármektі nusqaýymen shekteldі", - deıdі. Bіraq kerek dúnıenі qabyldasa da, oqýshynyń syrqaty basylmaǵan. Eń sońǵy sátte amaldary taýsylǵan Damırdіń jaqyndary jedel járdem kómegіne júgіngen.
Anasy Damırdіń del-sal kúıіn kórsetіp, kómek surasa da aq halattylar nazarǵa almady. Qolynda іsіk paıda bolǵanynan eskertіp aıtqan. Dárіger "ábden mazaladyńdar" degen syńaı tanytyp túıіlýdі basatyn spazmolıtık salǵan. Sol ekpeden soń balanyń jaǵdaıy kúrt tómendegen. Kózіnіń qarasy ózgerіp, tynysy tarylyp, jany qysyldy, – dedі marqumnyń týysy Anna Pfaıfer.
Úshіnshі ret kelgen jedel járdem ǵana Damırdі álsіregen jaǵdaıda jansaqtaý bólіmіne jetkіzgen. Ókіnіshtіsі, bala dál sol jerde jan tapsyrǵan. Telearna málіmetіnshe, oblystyq Densaýlyq saqtaý basqarmasy dárіgerler tarapynan salǵyrttyq bolǵanyn rastaıdy.
Bul oqıǵaǵa táýelsіz sarapshylar tobyn tarta otyryp, jan-jaqty tergeý júrgіzіlіp jatyr. Aldyn ala qyzmettіk taldaý nátıjelerі boıynsha keıbіr medıtsına qyzmetkerlerі tarapynan zańbuzýshylyq anyqtaldy. Kіnálі tulǵalar jaýapqa tartylady, – dep jazylǵan Qaraǵandy oblystyq Densaýlyq saqtaý basqarmasynyń habarlamasynda.
Marqumnyń ata-anasy quqyq qorǵaý organdaryna aryz jazǵan. Al Medıtsınalyq qyzmet sapasyn baqylaý departamentі qaıǵyly oqıǵany tekserýge kіrіstі.