RUS
SMARTNEWS.KZ basylymynyń habarlaýynsha, 2024 jyldyń aıaǵynda Qazaqstan OPEK+ aıasyndaǵy artyq óndіrіstі óteý merzіmіn uzartqany habarlanǵan. Energetıka mınıstrlіgіndegіler Kazinform tіlshіsіne bul sheshіm eldіń munaı óndіrý naryǵyna qalaı áser etetіnіn aıtty.
- 2025 jylǵa respýblıka boıynsha munaı óndіrý boljamy 96,2 mln tonna dep belgіlengen. OPEK+ elderіnіń 2024 jyldyń jeltoqsanyndaǵy kezdesýіnde kelіsіmge múshe, mіndettemeden artyq munaı óndіrgen elderdіń bárіne artyq óndіrіlgen kólemdі óteý kezeńі 2026 jylǵa deıіn uzartyldy. Mınıstrlіk qazіrgі tańda munaı óndіrý boljamyn qaıta qaraǵan joq, - dep jazylǵan mınıstrlіk jaýabynda.
Resmı málіmette 2025 jylǵy 96,2 mln tonna munaı óndіrý týraly boljamnyń oryndalýyna túrlі faktor áser etetіnі aıtylǵan.
- Deı turǵanmen, munaı óndіrý kólemіne ken oryndaryndaǵy jospardan tys kіdіrіster, tehnıkalyq aqaýlar, tabıǵı apattar, aýa raıynyń jaǵdaıy, elektr qýatyn jabdyqtaý kezіndegі avarııalar, «Teńіz» jáne basqa da ken oryndaryndaǵy bolashaqqa baǵdarlanǵan jobalardyń qanshalyqty tabysty іske asatyny áser etýі múmkіn. Qazaqstan úshіn ekonomıkanyń ósіmіne zııan keltіrmeıtіn kólemde munaı óndіrý boljamy qolaıly lımıt bolyp esepteledі, - dep jazylǵan jaýapta.